0001Durchleüchtiger Cuhrfürst, herzallerliebster herr vatter 0002Ewer Durchlaucht gnädiges schreiben vom 27ten passato hab mit schuldigem 0003respect vnd höchster consolation empfangen, weil 0004ich daraus ewer Durchlaucht gutten wohlstandt vernommen, 0005der almechtige geb weiters sein gnad. Ich hoffe, 0006es werden die sponsalien vnd alles woll abgangen 0007sein, der almechtige verleye darzue seinen 0008segen. Wegen des tractament, so werden ewer Durchlaucht 0009aus meinem vnterdehnigsten schreiben vom 29ten passato vernommen 0010haben, das ihr Mayestät aus der reichs kanzlei alle könig, 0011als Schpanien, Engelant, Schweden vnd alle gleich tractiren, 0012welches sie auch dem König in Portugal nit 0013difficultiren werden zue geben vnd er auch nit 0014mehrer wirt pretendiren können. Sag ewer Durchlaucht vnterdehnigsten 0015dankh, das sie mihr zue meine cuhr so vill ges0016wüntsch, befindt mich darauf gottlob gahr woll. Bin 0017woll auch von herzen froh, das die liebe Erzherzogin 0018wider beßer ist, gott erhalt sie vnd geb ihr, was

0019mihr alle verlangen, welches ich woll hoffe. Das ewer Durchlaucht 0020die limoni geschmekt, freüdt mich, aber ich hab woll 0021geforchten, sie werden dür werden von der hiz. Die opera 0022wirt ohne zweifel woll abgangen sein. Der Minati 0023vnd Draghi seint ganz in freüden wegen ihrer 0024present vnd könnens nit genuech rüemmen. Pater Marco0025hab ich den brif heünt durch ein curir geschikt. Iezt 0026wirt mein brueder schon dort sein, dan wie mihr der 0027Golstein gesagt, so ist er den 30ten zue Offen gewesen, 0028gott geb ihm glükh. Heündt ist ein caualier 0029vom Herzoch von Mantua kommen, das er 0030in wehnig dagen werd hier sein. Es ist ein 0031artiger herr, gottgeb, das durch dise reis etwas 0032gutts möge effectuirt werden. Due mich hirmit 0033vnterdehnigst in ewer Durchlaucht gnade befehlen, die ich sterben 0034werde 0035ewer Durchlaucht 0036vnterdehnigste trewgehorsamste dochter 0037EMT 0038Wien den 20ten junij 1687 0039Ich hör, der Bischoff von Augspurch sey gahr baufelleig. 0040Wan mein bruder Alexander sein cuhr vollent hette, 0041wurd es nit übel sein, wan er balt wider hinauf 0042gieng. Ich hör, Pater Herrewarts kan nimmer mit meinem 0043bruder herauf, steht zue consideriren, ob ihm nit daugliger

0044wehre, in sollichem fall einen aus der schlesinschen 0045oder bemischen prouinz zue nemmen. Es wehre woll 0046ein wakerer man, doch ist lang rector zue Preßlaw 0047geweßen vnd izt hier Procurator der bemischen prouinz, 0048kent das land vnd alles gahr gutt, sein nahm 0049aber ist mihr abgefallen, werd es mit nechstem schreiben.