0001Durchleüchtiger Cuhrfürst, mein herz allerliebster her vatter 0002Ich hab vermeindt, weill ich mit der post mein 0003schuldichkeit wegen des iagen nit ablegen können, solches 0004heünt mit dem curir zue ersezen, so seint mihr 0005aber gestren bey den nonen zue Sankt Lorenz gewesen, vnd 0006haben heündt das gebett gehabt, wie mihr alle samstag 0007haben vnd auch die 3 dag vohr der post absonderlich 0008gehabt, welchs vhrsach, das nit geschriben. Haben woll vhrsach zu beten, 0009dan weil Gran belegert, der Herzoch vnd Cuhrfürst mit 0010deils der armada gangen, selbiges zue entsezen, vnd 0011wie die heüntigen brief lauten, vermeinen sie 0012morgen am feindt zue sein. Zue Neuheüsel 0013ist der Caprara mit den übrigen blieben, die 0014belegerung in standt zue halten, gott geb allerseits 0015sein gnad. Wegen des armen Burkstorf ist mihr 0016woll herzlich leid, erwart ewer Durchlaucht gnädigsten befehl, wirt 0017aber auf alle weis vohr dise campagne schpaht 0018sein, bis ein anderer kombt. Gott woll meinem bruder

0019indeßen die heiligen engel anstatt des Hoffmeister mit geben. 0020Er ist mit seinem regiment beim Herzoch. Due mich 0021hiermit vnterdehnigst in ewer Durchlaucht gnade befehlen vnd werde 0022sterben 0023ewer Durchlaucht 0024vnterdehnigste trewgehorsamste dochter 0025EMT 0026Wien den 11 august 16850027Der almechtige verleye ewer Durchlaucht 0028allen segen vnd erdenkliges 0029glükh vnd wollergehn zue diser 0030dero vohrhabenden reis.