0001Durchleüchtiger Fürst, herzallerliebster herr vatter 0002Ich bitt vnterdehnigst vmb vergebung, das ich bey vohriger post meine 0003schuldichkeit vnterlaßen, ist die vhrsach gewesen, das ich vermeint, 0004die post geh wie hier am samstag, so ist sie am freitag wekh 0005gangen, vnd weil der Fürst von Dietrichstein nit mit ist, so hatt 0006mihrs niemant ermant, vnd wie ich gefragt, wars schon wekh. 0007Mihr seint nit weiter kommen als bis auf Cammer, vnd 0008dort nuhr einmahl im regen auf den seh gefahren, dan wegen 0009des schlimmen wetters vnd anlaufung der wäßer nirgents 0010durch können. Ist mihr nuhr leid, das die brüeder weder die 0011ördter noch gemsjagen sehn können, sie seint zue Camer zue 0012vns kommen vnd noch hier, werden am könftigen montag 0013wekh. Gott geb ihnen glükh vnd segen, sie haben mich 0014woll erfreüt, in dem sie mich versichert ewer Durchlaucht gutten 0015wohlstant, gott erhalt sie verners. Bruder Franz erwart halt, 0016wan sein residens zue Münster aus wirt sein, vnterdeßen 0017wirt der Gall alles einrichten. Der Rummel dient schon 0018würkhlich vnd last sich gahr woll an, gott gebe auch ein

0019guetten Ayo. Den Salm hör ich woll auch rüemmen, ist auch 0020etlich mahl bey mihr geweßen, komt mihr gahr fein vohr. 0021Ehr geht wider ins felt. Pater Hippolito lobt in sehr von seiner 0022dugent, gott geb, das ihr Mayestät ein gutte wohl mögen 0023duen. Pater Marco ist auch woll ankommen vnd 0024mit freüdigem gemüet wirt er ins felt, am mitwoch 0025geht er wek, er wirt hir mit allem versehn werden. 0026Der Herzoch von Lottring wirt auch fleisich vohr ihn 0027sorgen. Ewer Durchlaucht brief hab so woll ihm als Pater Hippolito 0028fleisich vberliuert, sie haben heünt beysammen geßen. 0029Schikh auch ewer Durchlaucht ein brif von Pater Hippolito, mit 0030dem, das ich die post versaumbt, ist der brif 0031auch ligen blieben. Due mich hirmit in ewer Durchlaucht 0032gnade vnterdehnigst befehlen vnd sterbe 0033ewer Durchlaucht 0034vnterdehnigst trewgehorsamste dochter 0035EMT 0036Der Fuker, so auf Düßeldorf soll, 0037ist ankommen, wirt balt wek, scheint 0038auch gahr ein feiner man zue sein.