0001Durchleuchtiger Fürst, herz allerliebster herr vatter 0002Bitt vnterdehnigst vmb vergebung, das ich bey vohrige 0003post meine schuldichkeit gahr nit vnd heünd 0004gahr kurz ablege in beantwortung dero gnädigen 0005schreiben, mit nechstem will alles ersezen. Heünd auch 0006mit der anherokunft hab ich 4 dero gnädigen schreiben empfangen, 0007vom 13ten, 3. vnd vom 12ten ein, wie auch mit vohrige vom 19ten dis. 0008Gottlob das ewer Durchlaucht woll auf seint. Hie seint mihr 0009durch sein gnade woll ankommen, dan sonst hett 0010es alles nit so woll bekomen mögen, in dem 8ten 0011monat, woh ich vermein zu sein. Das bir vnd wein 0012will fleisigist bestellen. Hab heünd von bruder Carl 0013brif bekommen, welcher sich auf ewer Durchlaucht gnädigen 0014befehl nimmer halten wollen laßen vnd gleich 0015hinab ist. Das bruder Ludwig ankommen, aber 0016sich wegen des starken marsch etwas übel 0017befind, meint aber der doctor, wan ein 0018dag etlig werd gerut haben, werd schon beßer werden.

0019Wegen Beyrn werden ihr Mayestät ehistens resoluiren. 0020Den Rusenstein will auch recomendiren, wan 0021es noch in stand ist, das nit zu schpaht, dan 0022ich weis mich nit recht zue erinen, ob nit der 0023Pozinski, welcher von vnsern ist, auch darumb schon 0024lengst gebetten. Bey beyden wirt es wol angelegt 0025sein. Wegen bruder Franz will mit negsten alles 0026berichten. Das mihr so geh von Lins weg sind, ist zwahr 0027die vhrsach, das sie bis gegen Tulln schon gestreift 0028vnd gebrent bis auf Sankt Peltten . nicht Mit 0029nechsten will alles recht berichten, werde sterben 0030ewer Durchlaucht 0031vntedehnigste gehorsamste dochther0032EMT 0033Paßaw den 17ten julij 16830034Bitt vnterdehnigst, ihr Durchlaucht fraw mutter 0035von diesem allen parte zue geben vnd mich zue 0036entschuldigen, den es ist einmahl zue schpaht, das nit 0037mehr kan schreiben.