Durchleuchtiger Fürst, herz allerliebster herr vatter Bitt vnterdehnigstvnt vmb vergebung, das ich bey vohrige post meine schuldichkeit gahr nit vnd heünd gahr kurz ablege in beantwortung dero gnädigeng schreiben, mit nechstem will alles ersezen. Heünd auch mit der anherokunft hab ich 4 dero gnädigeng schreiben empfangen, vom 13ten, 3. vnd vom 12ten ein, wie auch mit vohrige vom 19ten dis. Gottlob das ewer Durchlaucht woll auf seint. Hie seint mihr durch sein gnadeg woll ankommen, dan sonst hett es alles nit so woll bekomen mögen, in dem 8ten monat, woh ich vermein zu sein. Das bir vnd wein will fleisigist bestellen. Hab heünd von bruderb Carl brif bekommen, welcher sich auf ewer Durchlaucht gnädigeng befehl nimmer halten wollen laßen vnd gleich hinab ist. Das bruderb LudwigLud ankommen, aber sich wegen des starken marsch etwas übel befind, meint aber der doctor, wan ein dag etlig werd gerut haben, werd schon beßer werden.

Wegen Beyrn werden ihr Mayestät ehistens resoluiren. Den Rusenstein will auch recomendiren, wan es noch in stand ist, das nit zu schpaht, dan ich weis mich nit recht zue erinen, ob nit der Pozinski, welcher von vnsern ist, auch darumb schon lengst gebetten. Bey beyden wirt es wol angelegt sein. Wegen bruderb Franz will mit negsten alles berichten. Das mihr so geh von Lins weg sind, ist zwahr die vhrsach, das sie bis gegen Tulln schon gestreift vnd gebrent bis auf SanktS Peltten. nicht Mit nechsten will alles recht berichten, werde sterben ewer Durchlaucht vntedehnigstevt gehorsamsteg dochther EMT Paßaw den 17ten julij 1683 Bitt vnterdehnigstvmt, ihr Durchlaucht frawf mutterm von diesem allen parte zue geben vnd mich zue entschuldigen, den es ist einmahl zue schpaht, das nit mehr kan schreiben.