0001Durchleüchtiger Cuhrfürst, mein herzallerliebster herr vatter 0002Ich hab mit vnterdehnigstem respect vnd höchsten freüden dero 0003gnädiges schreiben vom 21ten dis empfangen und daraus ersehen 0004ewer Durchlaucht gutten wohlstant vnd hoffe, dise freüdt 0005werde ewer Durchlaucht zue erhaltung deren noch mehr 0006cooperiren, welches der almechtige gnädigst ver- 0007leyen wolle. In dißer materi wirt übermorgen 0008der Fuker abgefertigt werden, also werde mit 0009selbigem mit mehren vnterdehnigst berichten. Das polnische 0010haben ihr Mayestät auch anbefohlen zu deliberiren, 0011es ist aber dise dag so vill in der schpanischen 0012sach zu dun gewest vnd mit der reis, das noch

0013nit haben duen können. Wirt aber ehistens geschen 0014vndt hoffe ich, mit dem Fuker hirin auch können 0015bericht zue geben. Was ewer Durchlaucht gnädigst befehlen wegen bruder 0016Pfilipp Wilhelm, wirt mihr allezeit recht sein, ich 0017hab es auch dem Marzi schon schreiben laßen. Erfreüt 0018mich, das er aus der gefahr vnd das mein herr bruder 0019so woll profitirt in allem, an welchem ich zwar 0020niemahlen gezweiflet hab, gott gebe weiters sein 0021gnad. Ewer Durchlaucht werden schon vom Deütschmeister vernommen 0022haben, wie das alles zue Frankfort so woll ist 0023aiustirt worden, dem almechtigen sey darumb ge- 0024dankht, der wolle sein gnad zue den opperationen 0025geben. Von Prag haben mihr sonst gestern ein üble 0026zeitung bekommen, das die ganze iudenstatt, 0027welche gegen 900 haus, vnd noch 500 christenheüser 0028abgebrent seindt, auch etlige kirchen vnd clöster. 0029Ist woll ein groß vnglükh, man weis noch nit 0030recht, wie es auskommen, deils meinen bey 0031einem schreiner aus vnglükh, andre aber, es sey 0032ein gelegtes feüer gewest, dan es an etligen orten zue- 0033gleich aufgangen. Man soll auch in etligen heüsern sekh

0034mit puluer gefunden haben, gott wolle alles übel 0035verhüetten durch seine barmherzichkeit. Gestern haben mihr 0036das erste iagen gehabt, ist gahr gutt abgangen, haben 5 guette 0037hirsch, der beste zue 490 pfund, gefangen vnd ein berin mit ein 0038iungen, das ander ist auskommen. Due mich hiermit 0039in ewer Durchlaucht gnade vnterdehnigst befehlen, als die ich sterben 0040werde 0041ewer Durchlaucht 0042vnterdehnigste trewgehorsamste dochter 0043EMT 0044Wien den 26ten junij 1689