0001Durchleüchtiger Cuhrfürst, mein herzallerliebster her vatter 0002Ewer Durchlaucht gnädiges schreiben vom 29ten passato hab mit vnterdehnigstem 0003respect empfangen. Vnd obwollen mich dero ricu- 0004perirende gesundtheit getröstet, mich die andere 0005übele zeitung des vnrechtfertigen bruchs des 0006König in Frankhreich nit wehnig bestürst, nit 0007allein wegen des vbel, so ewer Durchlaucht landen, dem ganzen 0008Reich vnd auch vns daraus enstehn kunte, 0009sondern die sorg, das ewer Durchlaucht in dero reconua- 0010leschenz dise vnlusten vnd reisen nit widerumb 0011schaden möchten. Der almechtige wolle sein gnad 0012verleyen vnd nuhr ewer Durchlaucht bey gesuntheit erhalten, 0013der wirt diese vngerechtichkeit nit zue- 0014lasen, so der König duet. Ihr Mayestät haben

0015schon resoluirt, ihre regimenter, was möglich ist, marchiren 0016zue laßen, werden auch meiner beden brüder ihre darbey 0017sein. Der weg aber ist gahr weit, bis sie werden hinauf 0018kommen aus Vngeren vnd Sibenbürgen. Die beyrischen 0019werden auch gleich marchieren, aber seint eben 0020so weit, doch wirts sein, so balt möglich sie könen, 0021wan nuhr kein übels wetter einfalt, das die march 0022verhindert. Ihr Mayestät schiken auch an alle Cuhr- vnd 0023Fürsten, auch auf Regensburg, an Holland vnd überal, 0024woh man hülf zue hoffen hatt. Sie werden iah entlich 0025einmahl die augen auf duen vnd diese große 0026vngerechtichkeiten erkennen vnd sich nit wollen 0027zue schclauen machen. Ewer Durchlaucht duen gahr recht, 0028auf Neüburg zue gehn, gott gebe ihnen nuhr, das 0029mit gesuntheit vnd aller sicherheit mögen hinauf 0030kommen, warumb ich herzlich werd betten laßen. 0031Befehl mich vnterdehnigst vnd werde sterben 0032ewer Durchlaucht 0033vnterdehnigste trewgehorsamste dochter 0034EMT 0035Wien den 6ten octobris 1688 0036Ich hör, der Cuhrfürst in Beyern hab im willens, 0037meinen bruder Pfilip Wilhelm zue seiner schwester hochzeit zue

0038laden, das er solle des brautigams stell vertretten. 0039Es hetts sollen Prinz Clement duen, weil aber 0040izt die confirmation ist kommen, so schikt sichs 0041nit vohr ein geistligen Cuhrfürsten, also kom mich vnterdehnigst 0042anzuefragen. was ewer Durchlaucht herinfals gnädigst befehlen, 0043wan solche einladung solte geschen. Bitt balt vmb 0044ein antwort.