Es handelt sich vermutlich um ein PS.Durchleüchtiger Cuhrfürst, herzallerliebster herr vatter Zue dero erfreuligsten geburzdag due ich schuldist von herzen deroselben alles glükh anwüntschen vnd allen segen von gott mit bitt, dero vnterdehnigstevn dochter in ihrer vetterligenvetterlg gnaden zue verbleiben. Durchleüchtigter Cuhrfürst mein allergnädigsterallergnster herr vatter Ich bitt vnterdehnigstvnt vmb vergebung, das ich so lang mein schuldichkeit nit abgelegt, der Leopolt ist schuldich daran. Heünt ist der Kaiserin geburz dag, so mus auch cuhrz machen. Sage vnterdehnigstenvd dankh vohr dero gnädigeg schreiben vom 26ten vnd 29ten pasato, 6ten vnd 7ten dis. Ich bin ganz confus, das ewer Durchlaucht wollen entschuldigen machen wegen SanktS Teresa, ich hoffe, ewer Durchlaucht werden mihr nit vngnädig sein, das sie mit mihr solche cerimoni machen, sondern mich als dero vnterdehnigstesvnt kint halten, die deren gnadeg nit wert, so ewer Durchlaucht mihr erzeigen. Mueß ich aber woll vnterdehnigstvnt vmb vergebung bitten vnd mich anklagen, das ich vhrsach, das der Josephl nit ehender sein schuldichkeit abgelegt, weil ich die brif von ewer Durchlaucht vergeßen, haben alleweil vnder den andren brifen gelegen, bis sie einmahl vngefähr gefunden. Die proposizion, so der Morell gedahn, ist auch schon an Papst kommen, schike ewer Durchlaucht vnterdehnigstvd den brif, so mit ein curir von Rohm kommen. Ihr Mayestät werden

die sach deliberiren laßen vnd ewer Durchlaucht schiken, was sie vermeinen, das zueduen sey. Mein bruder vndt die Erzherzogin werden vereisen, so balt die 9te woch wirt vohrbey sein. BruderB Carl kombt ehistens fohrbaht sobalt angeh wirt noch hirbleiben, weil heünt noch ein balet danst bey der Kaiserin, gott geb ein gutten ausgang. Auf ein hoffmeistrin will woll gedenken, aber schwehrlich eine finden wie sie sein solte. Wegen der gelder, so ihr Mayestät der Cuhrfürstin sch schuldig, weren ewer Durchlaucht schon vom Hoffkanzler vernemmen. Solte die portugesische sach nit noch disen früeling vohrsich gehn, so wirt mein brueder nit wehniger können als die campagne mit zu duen ohne große disreputation, ihn dem der Cuhrfürst in Beyern, so einzig wider mit geht, auch der Cuhrfürst von Saxen sich offerirt, vnd sagen auch, das Cuhrbandenburg seinen 2ten Prinzen will schiken. So wurd es übel vohr der welt ausehen, wan er, der doch ein regi- ment darbey hat, solte zueruckh bleiben. Bitt vnterdehnigstvt, mihr gnädigstg zue vergeben, das dis so küen schreibe, geschicht aus vnterdehnigstervnt deuotion, dan ich höre, wie die leüt reden.

Der Deütschmeister wirt eben so wenig künnen zurukh beleiben, insonderheit weil ihr Mayestät ihn auch dißes iahr zum Veltmarschalkhleütnant promouirt. Ich bitt auch vnterdehnigstvt vmb vergebung, das disen brief erst heüt vortschike, hab vergangen sontag, wie er halb geschrieben wahr, daruon müeßen gehen. Mein brueder Carl wirt ehistens kommen. Heünt ist ein comedi bey der Kaiserin, die hett er noch gern gesehen, sonst wehr er schon wekh. Due mich hirmit in ewer Durchlaucht gnadeg vnterdehnigstvnt befehlen vnd sterbe ewer Durchlaucht vnterdehnigstvnt trewgehorsamste dochter EMT Wien den 22ten novembris9br 1685