Durchleüchtiger Cuhrfürst, mein herzallerliebster herr vatter Ich hab mit großen freüden aus dero gnädigemg schreiben vom 17ten dißes ersehn, das ewer Durchlaucht bede gelükhlich vnd in guettem wohlstandt zue Heidelberg ankommen seindt, auch von meniklich mit solicher lieb, freüdt vnd trew empfangen worden. Der almechtige sey ewich gelobt, der wölle verners seine gnad verleyen, das ewer Durchlaucht in friden vnd allen glüksehlikeiten vnd contento dieße dero neü angetrettene regirung vnd landen besizen mögen. Der Morell hatt große eil gehabt, seine saubere pretensiones anzue- bringen, ich will aber hoffen, das der König nit so gahr wider alle justiz vnd ragion sich wirt wollen den blasme von der ganzen welt auf den hals laden, dah er doch pretendirt so generos vnd gerecht zue sein, einen so vngerechten fridenbruch anzuefangen. Gott wirt vohrsehung duen vnd dasienige, welches er ewer Durchlaucht auf eine solche wunderbarlige weiß verlien, ihnen durch seine almacht auch erhalten. Die Erzherzogin ist glükhlich ankommen vndt

sicht zimlich guet aus. Sie hatt vohrgestren das erstemahl eingenommen, braucht jezt etlige dag puluer, darnach am samstag wirt sie wider einemmen vnd darauf etwas von stahel brauchen, sodan baden. Welches alles wirt gericht werden, das sie gegen den halben october8ber von hier widerumb wirt abreisen können, dan sie erkent gahr woll, das mein brueder über winter nit kan von seinen landen sein, vnd sie will auch von ihm so lang nit separirt sein. Also wan der lantag aus wirt sein, wan er sich alsdan wirt auf die reis begeben, wirt er kaum 14 dag oder 3 wochen vohr ihrer abreis alhier sein. Also vntersteh mich abermahl, ewer Durchlaucht vnterdehnigstvnt zue bitten, ihme zue erlauben dise reis balt anzuetretten, ewer Durchlaucht können gehorsamstg versichert sein, das er sich hier nit lenger aufhalten wirt, wan gott ihn gesunt erhalt. Indeßen hoffe woll nit, das Frankhreich etwas anfangen wirt. Ich kan mihr woll gedenken, das der Deütschmeister sehr wirt mortificirt

sein, das er dise campagne nimmer kommen kan. Weil er aber ewer Durchlaucht dorten subleuiren kann vnd auch schon zimlich schpaht im iahr ist, so ist sein schuldich- keit, ewer Durchlaucht zue bedienen, vnd wirt er woll zue friden sein, wan ewer Durchlaucht ihm nuhr die gnädigegnäd erlaubnus auf könftige campagne erteilen werden. Es wirt ihn woll schmerzen, nit bey Neüheüsel gewesen zue sein, woh woll etwas ist zue sehen vnd zue lernen gewesen, werden aber schon hoffentlich der occasionen mehr geben. Wegen des Castell werdt ewer Durchlaucht gnädigeng befehl gemeß ihr Mayestät fleisig anmahnen, damit er contentirt werde. Wegen des Starenberg hatt mihr der Stratman gesacht, das das schon richtig sey, das er das gelt balt haben werde. Mein brueder Carl ist gottlob wider ganz wohl auf vnd ist ihm das fieber schon 4 mahl ausblieben, also haben mihr ihn nit lenger aufhalten können, so wirt er morgen wider hinunder, gott geb ihm glükh. Mihr haben noch kein nachricht von der armé des feindts, ich förcht, sie halten nit mehr vnd foppen

vns hin vnd her. Königrat haben sie verlaßen. Mit disem due mich in ewer Durchlaucht gnadeg vnterdehnigstvnt befehlen vnd werde sterben ewer Durchlaucht vnterdehnigstevnt trewgehorsamstetrewghos dochter EMT Wien den 30ten august 1685