Durchleüchtiger Fürst, herzallerliebster herr vatter Weil ich gestren mit dem Palfi ewer Durchlaucht mit meinen vnterdehnigstenvnt schreiben schon vngelegenheit gemacht, kumme ich heündt nuhr mit disen wehnigen zeilen meine vnterdehnigstevnt schuldichkeit abzuelegen. Verhoff, der Hoffkanzler werd sein parole halten vnd auf das wehnigste deils von der pfelzischen ex- pedition heünt ablaufen laßen. Mihr haben heündt vermeindt aus zue gehn, so seint aber die wäßer so angeloffen, das man gahr nit auf Laxenburg kan. Sonst ist heündt woll ein gahr schoner dag, warm vnd ganz kein wint. Das ewer Durchlaucht ein Komender gefunden, so dauglich vohr mein bruedern Carl sein möchte, frewet mich, sonst hatt der Dünewalt auch einen schlesingischen caualier vohrgeschlagen, welcher hier ist, gahr ein feiner man, nimmer gahr iung, ein guetter wirt, ist auch Obristwachtmeister im felt geweßen. Auch schreibt mihr mein brueder Carl LiebdenLd, das im

mein eltister bruder LiebdenLd den Borstorf oder wie er heist vorgeschlagen habe, er ist Obrister vnd Comendant zu Düßeldorf, ein guetter wirt, versteht die infanterie vnd fortification. Ich vermein, es sey der, welcher bey meines bruedern regiment Obristleütnant gewesen, weis es aber nit. Iezt steht bey ewer Durchlaucht gnädigemg belieben, welchen von disen 3 ewer Durchlaucht gnädigg erwelen werden. Erwarte dero gnädigeng befehl wegen des schlesinger, damit, wan ewer Durchlaucht ihn nit verlangen, ihm wider heim kunte schiken. Den Grau von Turn haben ihr Mayestät zumb bemischen Vicekanzler gemacht, also bleibt übrich der Caschin, welchen mein bruder dechlich erwart. Sonst gibt hier ganz niks ewer Durchlaucht zue berichten, due mich also in der gnadeg vnterdehnigstvnt befehlen vnd werde schterben ewer Durchlaucht vnterdehnigstvnt trewgehorsamstetrewghors dochter EMT Wien den 22ten merz 1685