0001Durchleüchtiger Fürst, herzallerliebster herr vatter 0002Das ewer Durchlaucht mein vnterdehnigste anwünschung so gnädig aufnemmen wollen, 0003ist dero alzue große güette gegen mich, deren ich nit werdt bin 0004vnnd niemahlen verdienen kann, wie auch so ville gnaden, so mihr 0005ewer Durchlaucht gedan vnd noch stehts erzeigen, welche der almächtige statt 0006meiner vergelten wirt. Wan ich nuhr mit meinen vnterdehnigsten dienst 0007gegen ewer Durchlaucht meine schuldigste dankbarkeit könte erzeigen. Erfreüet 0008mich auch von herzen zue vernemmen, das sich ewer Durchlaucht in erwünschten 0009wohlstandt befinden, gott wolle sie verners sie verners darbey gnädig 0010erhalten. Mein bruder Ludwich Liebden hatt verwichenen erchtag ein anstoß 0011von einem fieber gehabt vnd ware eben der Horst nit hier, so 0012ist der Beker zue ihm gangen, welcher ihm selbigen abent ein 0013edig puluer verordnet vnd volgenden dag ein andre medicin, 0014darauf er sich dersider woll befindt. Vohrgestern zwar ist wider 0015vmb die stund ein kleine anmanung dah gewesen, aber 0016so vill als niks. Heündt ist er auf vnd befindt sich 0017woll, also hoffe ich, es werde also verbleiben vnd 0018weiters niks sein. Iest komt er eben zue mihr, befint sich 0019woll. Ich hab gesacht, er soll nit schreiben, ich wols bey ewer Durchlaucht

0020entschuldigen. Wegen Preßlaw hab ich auch des Gall sein aufsaz 0021gesehn, dunkt mich woll auch, das es könne beßer restringirt 0022werden, vermeine aber, dises alles wirt beßer eingericht 0023werden können, wan sie den bericht des standts vnd erdrag 0024des bischtum von dem Gall vernemmen werden. Wegen des 0025Heimans hab ewer Durchlaucht bey vohriger post mein vnterdehnigste meinung 0026geschriben. Mihr disgustiren halt diese ministros, welche ewer Durchlaucht vnd 0027vnseren ganzen haus noch vill dienen können vnd dienen 0028werden, vnd weit mer als der Heiman schaden kan, das hingegen, 0029wan sie darnach möchten nimmer so eifrig sein, vns allen zue 0030dienen, wie sie sich izt erzeigen, vnd wan der Heiman einigen 0031imbroglio oder vneinichkeit machen, kan man ihn gleich abdanken. 0032Heit seint aus gewesen auf ein bürst, haben aber niks 0033bekommen. Befehl mich ewer Durchlaucht vnterdehnigst vnd sterb 0034ewer Durchlaucht 0035vnterdehnigste trewgehorsamste dochter 0036EMT 0037Linz den 11 decembris 1683 0038Schik ewer Durchlaucht vnterdehnigst die beschreibung von 0039der belegerung vnd entsaz von Wien.