Durchleüchtiger Fürst, herz allerliebster herr vatter Bitte ewer Durchlaucht vnterdehnigstvnterd vmb vergebung, das bey vohriger post meine schuldichkeit verabsaumet habe, ewer Durchlaucht mit meinen gehorsamsteng zeilen aufzuwarten. Es ist die comedi schuldich daran, welche zwei dag nacheinander gehalten worden vnd die Kaiserin den ganzen dag hier geweßen. Ich recourire halt widerumb zue ewer Durchlaucht große güette, das sie mihr dises nit in vngnaden werden ausdeüten. Weis auch nit genuechsamb vnterdehnigstenvnt dankh zue erstatten vohr die gnädigsteg anwüntschung zue meinem geburz dag, bin so völler gnadeg woll nit werd. Wan ich sie nuhr könte aufeinige weis meiner schuldichkeit gemeß verdienen, wehre solliches meine gröste glückh seh- lichkeit. Vohr allem erfrewet mich zue vernemmen, das sich ewer Durchlaucht in guettem wohlstand befinden vnd von dem stein nit mehr so starkh incomodirt seindt, gott gebe weiters seine gnad. Eß kan mihr zwar woll kein großere freüd wider- fahren, als wan mich ewer Durchlaucht mit dero gnädigstemg schreiben begnaden, vnd kundte ich dieße gahr nit genuechsam beschreiben, aber eben so groß als dieße freüdt, iah großer, seint meine bedrüebnußen vnd sorgen, wan ich weis, das ewer Durchlaucht sich im geringsten übel auf befinden vnd sich dannoch mit schreiben bemüehen. Also bitte nochmahlen vnterdehnigstvnd, ewer Durchlaucht wollten meinetwegen sich doch nie keine vngelegenheit machen mit schreiben, dan meine ängsten vnbeschreiblich, das es ewer Durchlaucht möchte schaden.

Freüdt mich auch, das der beyerische creistag so wohl ist abgangen vnd das der Locowiz sich dorten wie auch bey Chur Beyern so woll comportiret. Gott geb auch drunten sein gnad, woh es sonst nit ein guettes ahnsehn hatt. Ihr Mayestät werden woll ihren mögligst an- wenden, dieße sachen zue recht zue bringen. Wegen der ostfrisländischen sach will auch ihr Mayestät vnterdehnigstvnt vohrdragen. Hab dieße dagen wegen der villen geschäften, mit welchen ihr Mayestät jezt hier überladen seint, noch nit können ihr Mayestät solliches vohrdragen wie auch des PaterP Marci brief. Also hoffe ich, ewer Durchlaucht werden mihr nit in vngnaden vermerken, das denselben bis auf die könftige post aufbehalten, damit ich ihr Mayestät könne leßen laßen. Die verfolgungen, so er leidet, seind eben die rechte zeichen seiner fromkeit, dan alle heilichen vnd frommen leütt dieße haben gelitten. Ich werd woll fleisich sein anherokunft solicitiren, dan ich ihn über alles verlange noch einmahl zue sehn vnd sein heiligenh segen zue empfangen. Die druntigen händel veruhrsachen, das ich förchte, aus Regenschpurg werde so balt nichts werden. Wegen Brandenburg weis man nit, was man an ihm recht hatt, ihr Mayestät werden sich woll befleisen so vill als sie können. Cuhr Trier haben ihr Mayestät vermeindt aufs beste versichert zue sein vnd iezt scheindt, das er sich auch wolt verführen laßen. Gott geb sein gnad vnd wende alles zumb besten. Wegen meiner werden ewer Durchlaucht alles von ihr Durchlaucht, meiner geliebsteng frawf muetter, vernemmen. Es wehre mihr woll die gröste consolation vnd freüd von der welt, wan ich balt einmahl widrumb das glükh möchte haben, ewer Durchlaucht vnterdehnigstvnt zue bedienen. Die brief an die Königin

in Schpanien hab bey vohriger post fleisig überschikt vndt mein bruderb Carl recomendirt. Von ihr bin ich woll versichert, das sie gewiß ihr bestes wirt darbey duen. Wegen des Castell will ich auch fleisig anmahnen. Heündt seind mihr bey den nonnen geweßen vndt schpaht heim kommen, also due ich mich ewer Durchlaucht vnterdehnigstvnt befehlen vnd werde sterben ewer Durchlaucht ganzergebenste trewgehorsamste dochter EMT