Durchleuchtiger Fürst, herzallerliebster herr vatter Ewer Durchlaucht sage ich vnterdehnigen dankh vohr dero gnädigesg schreiben vndt vnuerdiente gnadeg, so sie mihr durch den Fuker bezeiget haben. Ich bin deren wohl nit würdich, wüntschte nuhr, das ich vill gelegenheit hätte, ewer Durchlaucht mein schuldigiste deuotion zue erzeigen. Der Grau Fuker wirt solliches mit mehrerm ewer Durchlaucht berichten können, vndt wie ich aus bedrüebnus mich gestren nit habe mitt worten exprimiren können, so habe müeßen mein zeher vndt herz an statt meiner reden laßen. Auf den GravenG Fuker due mich beziehen vndt mich nochmahlen in ewer Durchlaucht gnadeg befehlen, die ich sterben werde ewer Durchlaucht ganz ergebenst trew gehorsamste dochter EMT Mein kleiner ist wohl nit werdt, das ewer Durchlaucht so gnädigg an ihn denken. Ich hab in seider noch nit gesehn, traw mihr auch nit hin zue gehn, dan er mihr gleich mein leidt erneüern wurd vndt nach dem herrnh öm vndt frawf önl fordern.