Durchleüchtiger Fürst, herz allerliebster herr vatter Ewer Durchlaucht gnädigesg schreiben vom 17 dies hab mit großen freüden empfangen, dieweil daraus ewer Durchlaucht guetten wohlstant ersehn vndt das auch mit ihr Durchlaucht meiner geliebsteng fraufr muetter ihrem fueß widerumb beßer wirt. Hoff zue gott, dießes schöne wetter werde zue dero fölligen wohlstant vill cooperiren; es ist mihr aber hingegen gahr schmerzlich gewesen zue vernemmen meiner fraw fbaßen doht. Gottlob, das ihr Durchlaucht fraw f mutterm nit diese bedrüebnus geschadt hatt. Mihr haben hier noch niks daruon gewust, ist wohl zue bedauren, absonderlich wegen der religion. Ich befinde mich gottlob iezt ganz wohl auf, so vill als sein kan. Haben entlich wegen der krankheit von Prag weichen müeßen, werden hier noch ein 8 dag verbleiben, darnach auf Pardouiz, dorten ein weill bleiben vmb zue sehn, ob es villeicht widerumb möchte beßer werden. Gott gebe nuhr, das mihr die 8 dag hier bleiben können, dan heüt ein hatschier daran erkent worden, welcher zwar

würklich nit hier, sondern in einem dorf nit weit, ich hoff aber, es sey niks der beschreibung nach, das es der mensch nit recht versteht, der in visitirt hatt. Von vnser reis auf Regens- purg ist noch niks resoluirt, so balt als etwas daruon vernemmen werde, will es also balt ewer Durchlaucht in persé berichten. Wegen des gouerno der Niderlanden hören mihr hier auch ganz niks, mueßen erwarten, was gott schiken wirt. Was ewer Durchlaucht mihr gnädigg befehlen wegen des cohrbischtums, ist alsobalt abgelofen, vnd schike ewer Durchlaucht hierbey die anwort von Carldinahl LiebdenLd, welcher, wie ich höre, noch in üblem stant ist, wie die vnterschrift anzeiget. Die andren verlangten brief seint auch gleich mit abgeloffen. Der Felix von Fürstenberg wahr noch hier, hatt aber dem Schellerer vndt Wangen niks verschprechen wollen vndt ist vereist, eh ich hab können ihm weiter hab können laßen zuereden. Ihr Mayestät haben ahn ihn geschrieben, man wirt aus dem effect sehn, wie er es mit vns meindt. Mit Fürstfst Wilhelm wüntsche ich, das wohl mach

abgehn, welches der allmechtige gnädigg verleyen wolle. Das die reigerbeys so schlecht geht, ist mihr leidt. Iezt ist aber gahr schön wetter, so hoffe werden ewer Durchlaucht ein beßern schpaß haben können. Wegen des Quendel, mein ich, werde sich balt ein gelegenheit ereigenen, wan er nuhr ein wehnig noch gedult möchte haben. Mihr haben iezt hier niks zue duen, des morgens gehen mihr zue vnser lieben frawenvnsrl f, vndt nachmitag in garten. Wan nuhr so lang hier könten bleiben, das noch könten ein gras hirschel schießen. Was gott wirt wollen, in deßen schuz ich ewer Durchlaucht eifrigst befehlen, mich aber vnterthenigvnth in dero gnadt als ewer Durchlaucht ganzergebenst trew gehorsamste dochter bis in doht EMT Brandeis den 25 maij 1680