Durchleüchtiger Fürst, herz allerliebster herr vatter Dero gnädigesg schreiben vom 28 passato hab mit schuldigstem respect empfangen. Bitt ewer Durchlaucht vnterdehnig, sie wollen gegen dero vnterthenigstesvnted kint nit solliche danksagung ablegen, die ich niemahlen meritire. Hoffe zue gott, es werde die Marta vndt der Doctor sich wohl halten. Ich habe durch ihn auf ewer Durchlaucht vohrige schreiben geantwortet. Es erfreüet mich von herzen, das ewer Durchlaucht allerseits vndt alle sich so wohl befinden. Hoffe, die fögel werden sich wohl halten. Es ist den hiesigen milan föglen auch übel gangen, seint gahr vill gestorben, aber das weiße terz, so vohr in der maus gewesen, ist noch vill schöner vndt beßer worden, ist gewis rahr. Gott gebe, das der Öting etwas guetts ausrichte. Ihr Mayestät haben schon an Cardinal, Fürst von Naßau, Morgrau von Baden und GravGvon Meskirch geschrieben wegen Kinsekh, weil er gesacht, das er selbsten bey der wahl sein woll,

es aber ihr Mayestät vndt mihr müntlich verschprochen, so haben es darbey laßen müeßen. Wegen Münster will es ihr Mayestät vohr bringen, zweifle nit, wan er sich nit bekwemen wirt, so werden ihr Mayestät ewer Durchlaucht auf alle weis satisfaction duen. Hier ist das wetter so schlim, das gestern vndt heütt nit haben aus könen vndt die vohrigen dag auch gahr wehnig, dan alleweil ein sturm wint ist. Hoffe, es soll ein mahl ausrahsen. Ich due mich hiermit in ewer Durchlaucht gnadeg befehlen vndt werde sterben ewer Durchlaucht ganz ergebenste trewgehorsamste dochter EMT Laxenburg den 4 maij 1679