Durchleüchtiger Cuhrfürst, mein herz allerliebster herr vatter Ewer Durchlaucht bede gnädigeg schreiben vom 22ten vnd 26ten dis durch die ordinari post vnd courir hab mit vnterdehnigstemvnt respect empfangen. Sage daruohr vnterdehnigstenvnt dankh vnd erfreüt mich über alles dero bestendigen wohlstandt. Gott lob, das vnser Königin ist glükhlich ankommen. Ich förcht, den courir, so sie geschikt, sey ein vnglükh geschen, dan er noch bis dato nit ist ankommen. Könftigen donnerstag aber kombt die schpanische post, dah werden mihr alle nachricht beßer haben, gott geb sein gnad. Ich zweifel nit, mihr werden mit der lieben braut gahr woll bestehen, wie woll sie vill auf diser reis hatt müeßen ausstehn, hatt woll lang gewert, gottlob, das ein mahl drin ist. Hetten mihr nuhr izt den Deütschmeister wider heraus, aber ist ein absonder-

liche vohrsehung gottes, das er mit ihr ist, sonst wehr sie gahr verloßen gewest mit des Mansfelt seiner krankheit vnd so langer verlengerung der reis. Was ewer Durchlaucht mihr gnädigstg schaffen wegen der guarnison in Heidelberg, werd eifrigst recomendiren, ewer Durchlaucht glauben nuhr nit, das der Carraffa wegen negirung der g etwas vnterlaßen werd. Ich will mit ihm reden laßen, er zeigt sich in allem, was ewer Durchlaucht vnd meine brüeder angeht, gahr willig vnd eifrig, wirt nit recht informirt sein. Der Königs- ek hatts gahr eifrig bey ihr Mayestät anbracht, mues ihm zeüchnus geben. Wegen meines herrnh brudersbrd, wan er so übel, welches mich zwar nit wehnig bedrübt, wirt es ihm die campagne ohne dem verbietten. Ich weis aber niks gewis, wies ihm gehen dut oder waß ihm ist, bin deswegen in großen sorgen, den man ret hier gahr vnterschidlich. Wegen des Hemil- ton sag ewer Durchlaucht vnterdehnigstenvd dankh vohr die gnad, er verlangt gewis, ewer Durchlaucht trew zue dienen, vnd wirt sich allezeit in allem gern submitiren.

Mit disem due mich in ewer Durchlaucht gnadeg vnterdehnigstvd befehlen vnd werde sterben ewer Durchlaucht vnterdehnigstevnd trewgehorsamstetrwghos dochter Eleonora Wien den 30ten apprill 1690 Jezt gehen mihr gleich auf Laxenburg, seint heüt bey einer prozession gewesen. Mein newer Obristhoffmeister hatt mich gebetten, disen brif ewer Durchlaucht vnterdehnigstvd zu überschiken, hats in heüdt in der eil zue Laxenburg geschriben vnd den großen tittul nit gehabt, hoff, ewer Durchlaucht werdens ihm nit in vngnadevng nemmen.