Durchleüchtiger Cuhrfürst, mein herz allerliebster herr vatter Ewer Durchlaucht gnädigesg schreiben vom 15ten dis hab mit vnterdehnigstemvnt respect empfangen. Vnd erfrewet mich von herzen, das mit dero cattarr sich gebeßert, vnd obwollen selbiger annoch noch nit gahr vergangen, so hoffe docg, das wetter werde balt wermer werden vnd er damit ein endt nemmen. Noch ist es zwar gahr übel, das mihr zwar am montag aus gewest, aber niks richten können wegen des windt, vnd dersider duets alleweil regnen vnd ist heüdt widerumb recht kalt, das also kein wunder, wan die reiger noch nit passiren wollen. Alle schreiben, das die Königin schon wekh vnd weit auanzirt von schiffen angetroffen worden, also zweifle ich nit, das mihr mit ehisten ihre glükh- lige ankunft vernemmen werden. Mein schwester Dorote ist glükhlich Inschprukh passirt, vnd hatt der guette Herzoch ihr die lezte ciuilitet erzeiget, dan ewer Durchlaucht werden leider schon deßen vnverhofften vnd geschwinden doht auf seiner herab-

reise vernommen nah haben. Diser verlust ist vnersezlich vohr ihr Mayestät, das Reich vnd die ganze christenheit. Jezt periclitirt die ganze campagne, wan gott nit ab- sonderlich sein almechtige handt, wie ich hoffe, darüber halt. Ihr Mayestät duen es auch sehr empfinden, wie es nit anderst sein kan. Ich zweifel nit, er sey in der ewigen freüdt, aber in disen coniunc- turen absonderlich ist es woll zue beklagen, doch musen mihr in allem mit dem göttligen willen zuefriden sein, den der weis alles, warumb ers duet vnd alles, was er duet, ist das beste. Was mihr ewer Durchlaucht gnädigstg befehlen wegen meines herrnh brudern, des Cuhrprinz, werd ich zwar nit vnterlaßen vnterdehnigstvnt nachzueleben, es wirt ihm aber woll hart ankommen, in dem so vill cuhr- vnd fürsten selbsten ins felt gehen, allein zue haus zue sizen. Ich will ihm aber gewißlich eifrich zueschreiben. Wan er ein mahl wider verheirat wehr, wurd es leichter sein, ihn zu haus zu behalten, vnd kan ihms einesdeils nit vohr übel haben, das er verlangt, auch etwas im krieg zue sehen vnd zue lernen. Das ist der jungen leüt ihr element, aber insonderheit, weil er die gesuntheit nit hatt.

Mit dißer occasion aber falt mihr ein, das ich schon etlich posten hab vergeßen, ewer Durchlaucht vnterdehnigstvnt zue bitten, dem Hammilton die gnad zue duen vnd die campagne erlauben zue duen. Es hatt mihr zwar der Canzler Irsch zue Augschpurg gesacht, das ewer Durchlaucht wolten, oder er soll dero dienst quitiren oder die campementcampagne vnterlaßen, welches er doch mit ewer Durchlaucht gnädigerg erlaubnus angenommen, wurd aber darbey leiden, wie auch sein reputation. Auch ist es zue ewer Durchlaucht dienst selbsten, das er sich hierdurch mehr qualificirt macht, ins könftige zue dienen. Also verhoff ich, ewer Durchlaucht werden ihme nit so vngenedig sein, seine bey ewer Durchlaucht habende dienst zue berauben, sondren in dero vohrigen schargen vnd gnaden erhalten. Er wirt doch dise wehnig monat nit vill verabsaumen vnd darnach alles dopelt herrein bringen. Ihr Mayestät, mein geliebsterg Keiser, haben auch dises ewer Durchlaucht reccomendiren wollen, seint es aber bey vohriger post vergeßen, vnd heünt haben so vill zue duen wegen der bedrübten zeitung vom Herzoch, das nit zeit haben zue schreiben. Ich bitt ewer

ewer Durchlaucht vnterdehnigstvnt vmb vergebung, das ich mich erkünt, dis zue schreiben. Vohr erst bin ich der lieben alten Mamer sehligsehl so hoch obligirt, das ich deswegen schuldich bin, mich dankhbar zue zeigen, vnd glaub auch, es sey ewer Durchlaucht selbst eigener dienst, das er sich qualificirt mache, vnd ist iah als eins herrhr vnd sohn. Ewer Durchlaucht gütte ist über alles, die werden auch wegen der lieben Mamer sehliger ihm gnedich sein. Befehl mich vnterdehnigstvnt vnd ersterbe ewer Durchlaucht vnterdehnigstevt trewgehorsamstetrghors dochter Eleonora Wien den 20ten aprill 1690