Durchleüchtiger Cuhrürst, mein herzallerliebster herrh vatter Ewer Durchlaucht gnädigesg schreiben vom 11ten dis hab mit vnterdehnigstemvd respect empfangen, daraus mit freüden dero erwünschten wohl- standt ersehen, der almechtige gebe weiters sein gnad. Verwunder mich aber zue sehen, das ewer Durchlaucht selbige post kein vnterdehnigstesvnt schreiben von mihr haben empfangen, dah ich doch kein post sider des grüenen donners- dag habe solche vnterdehnigstevd schuldichkeit vnterlaßen. Ich hab eben heündt schreiben von meiner frawf schwester Dorote von Insprukh bekommen, das sie dorten glükhlich ist ankommen vnd gahr vill ciuiliteten von der Königin vnd Herzoch von Lottring empfangen, gott geb ihr weiters das geleidt vnd in ihrer eh alle erdenk- lige satisfaction. Es continuiren alle zeitungen, das vnser Königin den 17ten mit guttem windt abgefaren vnd kein incontra mit den franzosen gehabt, also

verhoffe ich ganzlich, sie werde nuhnmehr schon bey ihrem König sein vnd mihr gahr balt mit dißer fröligen zeitung getröst werden. Die schreiben in Schpanien vnd Portugal werd fleisig überschiken, aber die post geht erst könftigen donnerstag über 8 dag, den verwichen donnerstag ist sie gangen vnd geht nuhr alle 14 dag. Des Deütschmeister brif werd der Königin einschließen, das, im fall er schon wekh sei, sie ihn ihm nachschiken könne. Pater Marco er- warten wir hier deglich, so werd ihm fleisich den brif überlifren, ich verhoff, ewer Durchlaucht werden ihn hier antrefen. Mihr haben dersider wegen üblen wetter nit aus können, sonst gibt niks vnterdehnigstvd zu berischten, befehl mich vnterdehnigstvd vnd werd sterben ewer Durchlaucht vnterdehnigstevd trewgehorsamstetrwhohos dochter Eleonora Wien den 16ten apprill 1690