Durchleüchtiger Cuhrfürst, mein herzallerliebster herr vatter Ewer Durchlaucht gnädigesg schreiben vom 29ten dis hab mit vnterdehnigstemvnt respect empfangen. Dem almechtigen sey dankh, das ewer Durchlaucht sich in guetter gesuntheit befinden. Vnser reis geht zwar bis dato noch gutt von statten, aber die große hiz veruhrsacht, das mihr vns ein dag lenger zue Lins müeßen aufhalten, dan schon vill roß vmgefallen seindt. Werden also erst den dag nach vnser lieben frawf auf Neüburg kommen, dißen dag aber zue Ingolstatt bleiben, woh ich auch verhoffe, die gnadeg zue haben, ewer Durchlaucht vnterdehnigstvd zue bedienen. Der Fuker wirt ewer Durchlaucht in disen völlich informirt haben. Die Cuhrfürstin vnd Königin in Polen es woll höchstens verlangen, vnd schreibt mihr die Königin, das sie als morgen abreist, wirt also

auch sich zue Ingolstatt einfinden, verlangt woll höchst die consolation, ewer Durchlaucht vnd mein frawf schwester zue sehen. Iezt werden mihr den 14ten zue Ingolstat auf den abent sein vnd den 16ten abens auf Neüburg kommen. Mit dem Cuhrfürst von Meins geht iezt alles guett, seindt heündt schreiben von Öting kommen vnd werden hoffentlich ewer Durchlaucht schon das ausschreiben empfangen haben, gott gebe alles zue seiner ehr. Vom Hoffkanzler werden ewer Durchlaucht alles ausfürlich vernemmen, due mich indeßen in ewer Durchlaucht gnadeg vnterdehnigstvnt empfelen vnd ersterbe ewer Durchlaucht vnterdehnigstevnt trewgehorsamstetrghos dochter EMT Linz den 3ten august 1689