Durchleüchtige Cuhrfürstin, mein herzallerliebster herr vatter Mit der gelegenheit, das der GravG von Starenberg wider hinauf reist, hab ich mein vnterdehnigstevd schuldichkeit nit vnter- laßen wollen, ewer Durchlaucht vnterdehnigstvd mit mein schreiben zu bedienen. Verhoffe, das sich ewer Durchlaucht in guetter gesuntheit befinden, welches mich über alles erfreien wirt zue vernemmen. Er wirt ewer Durchlaucht alles berichten in allen sachen, also will ichs nit widerholen, sondern mich auf ihn bezihen. Bitt auch vnterdehnigstvd vmb vergebung, das nit vill schreib, dise dag seint vill audienzen gewest, auch die zwehn breüt. Gestern wahr des Starenbergs sein hochzeit vnd heünt die heim- führung. Nachmitag gehn mihr auf Laxenburg.

Jezt gleich empfange ewer Durchlaucht gnädigesg schreiben vom 29ten passato. Weil der Starenberg in denen punctis, so darin erwähnt, schon infomirt ist, also due mich auf selbigen vnterdehnigstvd bezihen. Das ewer Durchlaucht im willens, dero reis nach dem fest corporis Christi anzuetretten, ist mihr die gröste freüdt, erwarte diße glüksehlige zeit mit höchstem ver- langen. Wegen des dragen, so brauchts woll kein ent- schuldigung, gott erhalte ewer Durchlaucht nuhr bey gutter gesuntheit. Heünt ist die schpanische post ankommen, aber aus Portugal hab ich niks. Ich hab der Königin brif zumb abschreiben geschikt, wan ich ihn heüt noch bekom so zeitlich, so schik in noch mit der post, dan hab in nit leßen können. Vom Stratman werden ewer Durchlaucht alles gnädigstg vernommen haben, was mit dem Cuhrfürst geschloßen, auch wegen des gouuerno der Nider- landen, also will ich ewer Durchlaucht nit lenger mit meinen lehren schreiben vngelegenheit machen, sondren mich vnterdehnigstvnt in

dero gnad befehlen, die ich sterben werde ewer Durchlaucht vnterdehnigstevt trewgehorsamstetrghos dochter EMT Wien den 5ten maij 1689 Dißen brif hatt mihr PaterP HippolitoHipp geben einzueschlißen, er verhofft, wider hier zue sein, wan ewer Durchlaucht werden herunter kommen.