Durchleüchtiger Cuhrfürst, mein herzallerliebster her vatter Ewer Durchlaucht gnädigesg schreiben vom 26ten passato hab mit vnterdehnigstemvnt respect empfangen vnd mit höchsten freüden daraus ewer Durchlaucht guetten wohlstandt vernommen, der almechtig geb weiters sein gnad. Wegen Schpanien hab ich auch guete hoffnung, dan vnser Königin großen eifer zeigt, wie ewer Durchlaucht werden gnädigstg aus dero schreiben an mich vnd dem, was ihr Mayestät ewer Durchlaucht comunicirt, ersehen haben. Gott geb sein gnad darzue, was zue seiner ehr ist. Das hier solt die sach ausgemacht werden, wirt woll zue überlegen sein, ob bey disen zeiten sie nit sicherer durch Niderland vnd Holand hinein

zue gehn als über Walischland. Biß dorthin aber wirt sich alles dis schon überlegen laßen, wie auch wegen der portugesischen heirat, das wehr auch gutt, wan mit diser occasion in einen die spesen kunten geschen. Wegen meines brudersb Carl vnd der polnischen sach werd ich gleich morgen mit dem Hoffkanzler vnd Starenberg reden, wie mans zumb füeglisten vnd nuzligsten vohr sie möge eingericht werden, vnd villeicht dannoch mein herrh bruder die campagne nit versaumet. Werde hierüber ewer Durchlaucht mitt nechstem vnterdehnigstvd ausfürlich berichten, wie auch, was mit dem Cuhrfürsten geschloßen worden. Wegen Niderland, so vill ich hör, pretendirt er das gouerno selbsten, welches ihm die schpanier schwehrlich geben werden, aber ihr Mayestät können ihm nit abschlagen, es in Schpanien zue reccomendiren. Aber dis in höchstem secreto, mit nechstem aber werd alles ausfürlich schreiben oder durch den Hoffkanzler berichten laßen. Im haubt werk gibt

sonst gibt hier ganz niks zue berichten. Heündt halten ein oratori, singens meine freülen in der cammer. Due zue disen dag nochmahlen in aller vnterdehnigkeitvnt allen segen von gott mitt villen volgenden herzinnglist anwüntschen vnd mich anbey in dero gnadeg befehlen, die ich sterben werde ewer Durchlaucht vnterdehnigstevd trewgehorsamstetrwghos dochter EMT Wien den 1 maij 1689