Durchleüchtiger Cuhrfürst, mein herzallerliebster herr vatter Ewer Durchlaucht gnädigesg schreiben vom 25ten dis hab mit vnterdehnigstemvnt res- pect empfangen. Hatt mich zwar eines deils von herzen erfreit zue sehen, das mit ewer Durchlaucht cattar mueß beßer sein, weil selbiges mit eigener handt geschrieben ist, andrendeils aber sezt mich solches in große sorgen, das es ewer Durchlaucht nit möge geschadt haben. Bitt nachmahlen vnterdehnigstvnt, ewer Durchlaucht wollen sich doch meinetwegen nit bemühen, sie wißen iah, das es mihr die gröste gnad ist, wan ewer Durchlaucht dero gesuntheit vnd comoditet in acht nemmen vnd mich nuhr mit dero gnädigerg vnterschrift begnaden, dan iah an dero gesuntheit vns allen dero vnterdehnigstenvd kindern

alles gelegen. Das bey geschloßne an die Erzherzogin hab ich also balt ihr Mayestät überliuert, welche es morgen auf Prag schiken werden, alwoh die Erzherzogin erst in ein 10 dagen wirt hin kommen. Mihr haben hier auch etlige posten keine brief gehabt, sie seindt aber heündt miteinander kommen, das vnterwegens seindt ligen blieben. So wirt es ohne zweifel auch mit meines herrnh brudersbr LiebdenLd schreiben an ewer Durchlaucht ergangen sein, welcher nit mit ihr kombt, sondren, weil sie so gahr übelauf gewesen, sie nuhr noch etlige dag begleit vnd bey ihr gebliben, bis sie weiter hatt reisen können. Dan sie hat an ein ort in Heßen still müeßen ligen, von danen er in 12 stunden wider zue Düßeldorf hatt sein können, woh er auch albereit widerumb wirt ankommen sein, dan er schon lang von ihr wekh ist. Ich hab mihr nie können einbilden, das er solt die druntigen landen verlaßen, sondren alzeit glaubt, das es auf

dise weis wirt sein, wie es auch geweßen ist. Gott geb nuhr, das sie gesunt her kommen möge, dan sie noch als im wagen im bett reiset, so schwach ist sie, gott geb sein gnad. Wegen meines brudersb Carl hab ich mit dem Kinski gerett, welcher sich also- balt offerirt hatt vnd mihr schon heündt wider die antwort bracht, das ihr Mayestät ihm befehlen, die anstalt zue Glaz zue machen, das mein bruderb mit seiner gemahlin dort wohnen könne. Er sagt mihr zwar, der ort sey etwas schlecht, es seindt aber wegen der andren ort als Brik vnd Ligniz bedenken, so wohl wegen der religion als auch, das gahr zue nahet bey Pohlen sein vnd sie dorten nit sicher möchten sein, bis die sachen adiustirt sein. Dan die Königin ist noch voller gift, der Schassignet hatt villerlei sachen bracht, warüber ihr Mayestät laßen conferiren vnd so dan ewer Durchlaucht alles berichten werden, zuegleich auch dero meinung einholen, was darin zue duen. Ihr Mayestät haben mir gnädigg befolen, dißes alles ewer Durchlaucht vnterdehnigstvd zue überschreiben, auch, das

ewer Durchlaucht wollen gnädigstg schreiben, gegen welche zeit mein bruder wirt hin kommen, damit man die anstalt darnach machen kan. Ich vermein ohne vnterdehnigstesvd maßgeben, es wurd den Kinski obligiren, wan ewer Durchlaucht ihm durch ein gnädigesg schreiben zeigeten, das ich ewer Durchlaucht bericht hette, das er so promto geweßen, ewer Durchlaucht in disen ihrer intention zue seccondiren. Er hatt mihr verschprochen, mit nechster post die ordre hin zue schiken. Due mich hirmit in ewer Durchlaucht gnadeg vnterdehnigstvd befehlen vnd werde sterben ewer Durchlaucht vnterdehnigstevd trewgehorsamstetrwghors dochter EMT Wien den 30ten jener 1689