Durchleüchtiger Cuhrfürst, mein herzallerliebster herr vatter Ich hab mit großen leidt aus dero gnädigemg schreiben vom 14ten disdem cattarr incomodirt befinden, wie auch ihr Durchlaucht, mein geliebsteg frawf mutter, eben fals darmit molestirt sein. Der almechtige verleye sein gnad, das balt mögen vergehn, wie woll ich mich bey disem übelen vnbestendigen vnd kalten wetter sehr dis fals besorge, werde aber den güttigsten gott herzlich bitten, das sie beden ihr Durchlaucht bestendigen wohlstandt verleyen wollen. Das ewer Durchlaucht sonsten auch in schwehrem zuestandt seindt, ist mihr leider alzu wohl bekant. Ich werde auch von Stratman weiters

vernemmen, hab bis dahto noch nit mit ihm reden können, weil alledag vohr vnd nachmitag so vill conferenzen wahren. Morgen aber werd mit ihm reden. Das bruderb Carl wohl ankommen, freüdt mich, dan ich bekenn, das ich in sorgen seinet wegen gewest bin, dan man hier gesacht, die franzoßen hetten von Meins aus ein anschlag auf ihn geplant. Das er aber so vill leüdt vnd pfert hatt, verwundert mich, vnd dehte er gahr gutt, wan er deren deils reformirete, dan wan auch ihr Mayestät ihm in dero landen erlaubeten zue bleiben, wurden selbigen gleich- fals so ville suite nit gelegen sein. Meines brudern druntigen standt betreffent hör ich, das die franzosen auch große contribution von ihm vordern, vnd iezt sagt man, das sie ein ahnschlag auf Bensberg gehabt hetten vnd destwegen er die Erzherzogin also kranker weiters duen vereisen, wie sie dan in Heßen sollen schon sein. Dises wirt die vhrsach sein, das er nit geschriben hatt, gott steh ihnen bey. Ich werd auch disfals ewer Durchlaucht gnädigsteng befehl vom Stratman

erwarten. Damit ich ewer Durchlaucht in dero cattar mit mein schreiben nit zuelang incommodire, due mich in dero gnadeg befehlen vnd werde sterben ewer Durchlaucht vnterdehnigstevnt trewgehorsamstetrwgehors dochter EMT Wien den 20ten jener 1689 Disen brif hab heüt von PaterP Marc empfangen. Es hatt mich der Carraffa Generalcomissari bitten laßen, ewer Durchlaucht ihn vnterdehnigstvd zue reccomendiren. Es haben ewer Durchlaucht ein gewise sach wegen schaff zue Neapoli, vnd er hatt auch etwas darbey, doch bitt er, ob ewer Durchlaucht ihm, was sein deil ist, daruon befreien möchten. Es soll etwas wehnigs nuhr sein, ich weis nit, was es ist. Wan es sein kann, wehr guet, disen man zue obligiren, dan er sich gahr eifrich zeigt zue ewer Durchlaucht vnd vnsers ganzen haus dienst, vnd kan iezt vill duen, villeicht auf ihn, dan er hatt kein kinder, alles zue ewer Durchlaucht gnädigstemg befehhl.