Durchleüchtiger Cuhrfürst, mein herzallerliebster herr vatter Ich bin woll in sorgen, weil ich heündt ganz niks von ewer Durchlaucht wohlstandt vernommen, woll doch zue gott hoffen, das die gesuntheit beßer sein wirt. Kan mihr aber woll einbilden, das ewer Durchlaucht dieße große vnrechtfertichkeiten von Frankreich schmerzligst emfinden werden, vnd förchte, dass ihnen dißes an der gesuntheit widrumb möchte schaden. Ewer Durchlaucht generoses gemüet aber vnd resignation vnd vertrawen auf gott werden ihnen dießes schwere kreüz ringern, dan gewißlich gott ewer Durchlaucht nit verlaßen wirt. Ihr Mayestät, mein Kaiser, duen es auch wegen ewer Durchlaucht sehr empfinden, haben

mihr auch befohlen, ewer Durchlaucht zue versichern, das sie alles in der welt vohr sie duen werden vnd sie gewißlich nit verlaßen. Sie hetten ewer Durchlaucht selber geschriben, aber eben wegen dißer sachen so vill zue duen, auch mit Beyern, der morgen wekh geht, das sie heünt vnmöglich schreiben können. Wan ewer Durchlaucht nuhr mit sicherheit zue Neüburg wehren, ihr Mayestät wurden gleich den Stratman hinschiken, mit ewer Durchlaucht alles zue concertiren, wie dißem großen übel zue helfen sein möchte, dan man glaubt hier, das ewer Durchlaucht schon von Heidelberg auf der reis sein werden, vnd man also hier erwart, biß man höhre, woh ewer Durchlaucht seindt, vnd was man ihnen zue hülf leisten können. Ihr Mayestät werden gewiß niks vnterlaßen, dan sie es sehr zue herzen nemmen. Due mich anbey in dero gnadeg vnterdehnigstvd befehlen vnd werde sterben ewer Durchlaucht vnterdehnigstevt trewgehorsamstetrwghos dochter EMT Vnser völker marchiren, Beyern lest auch seine marchiren, wie ewer Durchlaucht wiszen werden.

Dis beygelegte hatt mihr des Lubomirski secre- tari geben, seint die gutten freünt, welche man zue cultiviren hatt. PaterP MarcoMarc ist hier, empfindt herzlich dißes ewer Durchlaucht zuegestoßene übel, so balt er wirt hören, wan ewer Durchlaucht auf Neüburg komen, wirt er auch hin.