Durchleüchtiger Cuhrfürst, mein herzallerliebster her vatter Ich hab mit vnterdehnigstemvnt respect dero gnädigesg schreiben vom lezten passato empfangen vnd mit hochsten freüden dero gutten wohlstandt vernommen, darbey der almechtig ewer Durchlaucht verners gnädigstg erhalten wolle. Ewer Durchlaucht seindt mihr gahr zue gnedig, das sie mein vnterdehnigstevd wuntsch so gnädigg aufgenommen, gott wolle dieselbe erfüllen. Wegen des Starenbergs, so hab ich ewer Durchlaucht schon vohr etligen posten ihr Mayestät resolution gehorsamstghor veberschriben. Iezt, hör ich aber, wirt der Starenberg große conditiones machen, welche das werkh leicht wider verderben kunten. Dan wirt man avhiezt hardt hierin können einiges mitel finden, dan sich iezt diese sachen deils schwehrlich, vnd die

meisten gahr nit wurten duen laßen. Villeicht aber wirt er sich beßer bedenken vnd den bogen nit so hoch schpannen. Wegen Cöllen arbeit man zue Rohm was man kan, ob man aber was erhalten wirt, stehen zue gewarten, dan der Papst wirt sorchen, das sie durch ein newen wahl in widerumb möchten elegiren vnd auf ein solchen furm, das mans nit widrumb anulliren kunte. Wan man aber die gemüeter kundt sondiren vnd sich auf ein newe wall verrsichern, das sie auf dises subiectum nimmer gedenken wurden, möchte es ehender gehen. Mit Beyren mueß man izt in allem schon erwarten, bis er her kombt, doch, hoff ich, wirt sich vill aiustiren laßen. Brandenburg ist schon desabusirt von dem, das die franzosen ihm haben vohrgeben, dan den Cuhrfürst woll mit dem Cardinal brief gewekselt vnd höfflige, aber nuhr in materi des testaments vnd niks vom andren gemelt worden. Es freüdt mich, das die corespondens mit Schpanien so guett ist eingericht. Mein schwester schreibt mihr, das sich die schikung darumb stekh, weil sie noch im kopf haben, man möcht sie nit andren königen

gleich tractiren, vnd wegen Polen, das man dort soll kein comparation machen. Die portugeser seint woll artlich, in diser sach wollens sie nit mit Pollen comparirt werden, seys mit Frankreich vnd wem sie wollen, dan man hier vnter den königen kein vnterschit macht im tractament, man halt sie alle gleich, außer das man den schpanischen Botschaffter mehr famigliar tractirt, das er in der retirada priuat zue ihr Mayestät kombt, vnd bey denen camer- festen derf sein, welches ist, weil es ein haus ist. Vnd das macht im kein prerogatiu vohr den andren, dan er iah dem Cardinal Nuntio weicht, vnd dißer ebenfals diese familiariteten nit godirt, sondern allzeit in der audienz zimmer audienz hatt vnd zue keinem cammerfest kommt, woh man nit alle botschaffter zue lad. Im übrigen in cerimonialien wirt er in allem dem schpanischen Botschaffter vnd Nuntio geleich tractirt werden, welches ich auch alles meiner schwester schreiben werde. Mit disem due ich mich ewer Durchlaucht vnterdehnigstvd befehlen vnd werde sterben ewer Durchlaucht vnterdehnigstevd trewgehorsamstetrwghos dochter EMT Laxenburg den 9ten maij 1688 Vnser beiz geht noch zimlich schlecht, gestren vnd heünt haben nit auskönnen, ist alleweil so starker windt, doch die vohrigen dag haben ihr Mayestät milan vnd etlig kezer hüpsch gefangen.