Durchleüchtiger Cuhrfürst, mein herzallerliebster herr vatter Ewer Durchlaucht gnädigesg schreiben vom 5ten dis hab mit vnterdehnigstemvd respect empfangen vnd woll mit großen freid daraus vernommen, das sich ewer Durchlaucht in so gutem wohlstandt befinden vnd sich im felt diuertirt haben, wie auch, das der Deütschmeister sich widrumb so guet befindt, das er mit aus reiten können vnd im faschin lustig sein können. Der medicorum ihr meinung über sein krankheit vnd was sie ihm gebraucht, werd ich mit nechstem vnterdehnigstvnt überschiken. Heünt hab ewer Durchlaucht befehl zue schpaht bekommen, das es ihnen nimmer hab können sagen

laßen. Hier haben mihr wider ein fölligen winter, vnd ist hier noch kein so guette schlitten bahn geweßen als iezt, das wans nit in der fasten wehr, wurden mihr vns gewis bedienen. Dise gehe verendrungen aber machen vill cattar, meine kinder haben alle ein wehnig ein, aber nit gahr starkh. In der cölnischen sach werden ihr Mayestät das mögliste duen, der Cauniz soll auch balt wekh. Was der mensch in allem, auch in dem haubt werkh, vohr intriguen macht, sein interesse, ambition vnd intentionen zue erhalten, ist nit zue beschreiben. Er wirt iezt balt hinauf, werd gern sehn, was er richten wirt. Ich derf nit als der feder trauen, auch kleketten mihr etlige bögen nit zue schreiben, wie er als durcheinander macht. Der Cuhr- fürst hatt entlich auch einen wehnig lehrgelt geben, ist mit deme roß gefallen vnd die kniescheib geschrikt, so hoff ich, werd er lernen fürsichtiger sein vnd iezt ein wehnich

das bett hütten vnd lernen zue haus bleiben. Mit disem due ich mich ewer Durchlaucht vnterdehnigstvd befehlen vnd werde sterben euer Durchlaucht vnterdehnigstevnt trewgehorsamstetreghos dochter EMT Wien den 13ten merz 1688 Sag ewer Durchlaucht nachmahlen vnterdehnigstenvnt dankh vohr die haubt guette fastenschpeisen. Ihr Mayestät, mein Kaiser, schmekens gahr gutt, mihr haben die ganze fasten genuech daran, ist gahr zue vill.