Durchleüchtiger Cuhrfürst, mein herzallerliebster herr vatter Ich hab mit vnterdehnigstemvnt respect dero gnädigeg schreiben vom 17ten, 20ten vnd 24ten empfangen. Der fasching ist woll schuldig daran, das ich nit ehender geantwort, deswegen ich vnterdehnigstvnt abitte. Aus dem leztern aber hab ich mit leid vernommen, das sich ewer Durchlaucht mit einem cattar incommodirt befinden, vnd haben sich dannoch mit schreiben meinet wegen bemühet. Bitte vnterdehnigstvnter vnd auf den knien, ewer Durchlaucht machen sich doch wegen meiner kein vngelegenheit, es wurd mich gahr zue vill bedrüeben, wan ewer Durchlaucht es schaden möchte, vnd förchte auch in vngenaden zue sein, das ewer Durchlaucht cerimori mit dero vnterdehnigstemvd kint machen vnd nit dero gelegenheit vnd gesuntheit in acht nemmen. Es freüt mich zue hören, das meine bede brüeder widerumb beßer seindt, hoff, es werd iezt ein rechten bestandt haben. Wegen Cuhr

Cöllen ist iezt woll gahr übel, wan solt der fall geschen. Ihr Mayestät werden nit vnterlaßen zue duen, was möglich, vnd auch zue resoluiren, was ihn sollichem fall zue duen sey. Wegen des Cauniz, so wirt man suechen bedes zue richten, ihn woll iezt in diser sach schiken, aber nit, das er bestendig dort soll bleiben, so derf er das weib nit mit nemmen. Ich hab mich erkundigt, ob ihr Mayestät sich schon eingelaßen oder impegnirt wegen des Fuker, so haben ihr Mayestät schon in der sach schreiben laßen, so woll mit der Erzherzogin als dem Füker ist darüber gehandelt worden, so das ihr Mayestät nit woll zuerukh können. Vnd meinen ihr Mayestät, wie sie diesen beschreiben hören, er möchte woll eben dise bede dienst zue versehen dauglich sein, dan das land wirt er balt kennen lernen, dan er ein gescheider man ist. Ihr Mayestät haben dis gedahn, weil ich ihnen gesacht gehabt, was ewer Durchlaucht selbiges mahl dem GravenGr von Oting haben geschriben, das sie den Fuker gern würden bey der Erzherzogin sehn, so haben ihr Mayestät

es gedan. Erwart, was euer ewer Durchlaucht gnädigstg befehlen werden. Ich mein, man wirt balt antwort vom Fuker bekommen. Wegen des Solers, so kenn ich ihn nit, hör aber vom Öting, er sey einmahl gutt fürsten- bergisch geweßen vnd hab das gelt lieb. Ewer Durchlaucht werden ihn aber zumb besten kennen. Das meiner schwester in Portugal hoffnung continuirt, freüdt mich zue hören, gott geb ihr sein gnad, das woll mög abgehen. Der fasching ist woll abgangen, aber als in der still. Iezt seint die walischen predigten, gestern wahr die erste, er hatts woll gahr schön gemacht. Mit disem due ich mich ewer Durchlaucht vnterdehnigstvnt befehlen vnd werde sterben ewer Durchlaucht vnterdehnigstevd trewgehorsamstetrewghos dochter EMT Wien den 4ten merz 1688