Durchleüchtiger Cuhrfürst, mein herz allerliebster herr vatter Ewer Durchlaucht schreiben vom 13ten diß hab mit vnterdehnigstemvd respect empfangen. Ewer Durchlaucht erzeigen darinnen allzue vill die gnädigeg vnd vetterlige vohrsorch, so sie vohr mich des wehnigen cattars halber, so ich gehabt, dragen, kann ich solches woll niemahlen abdienen, an meinem verlangen zwar wirt es niehmahlen ermanglen. Ist schon alles wider völlich guett vnd frewet mich von herzen zue vernemmen, das ewer Durchlaucht sich widerumb in guter gesundtheit befinden, der almechtige verleye weiters sein gnad. Wegen Cöllen, so erkennen ihr Mayestät gahr woll, in waß vohr gefahr die sachen steket, vnd werden nit vnterlaßen zue Rohm vnd sonsten darinnen zue duen, was möglich wirt sein. Der Karch wirt auch aufs beldiste widerumb hinunter geschikt werden, gott gebe, das es sey mit

guettem effect, aber sie werden woll den Cuhrfürst hüetten, das er nit vill zue ihm kommen möge. Das der Deütschmeister sich widerumb in beßerem wohlstandt befinden duet, freüdt mich woll von herzen. Diße große krankheiten vergehn langsamb, vnd glaub ich, das die vhrsach sey das üble waßer, welches alle etlige zeit vohr der lezten schlacht eßen vnd drinken müeßen. Jezt hoff ich aber, werde alles aus dem fundament curirt werden durch die gnadt gottes. Wegen Niderlandt ist halt die sach dise, welche ich ewer Durchlaucht vnterdehnigstvd in höchster geheim überschreibe, das der Cauniz iezt gebracht, das der Cuhrfürst sein votum woll engagiren will. Ihr Mayestät aber sollen machen, das Schpanien ihme jezt gleich die Niderlanden abtrette, vnd zwar so, das, wan auch er mit der Cuhrfürstin keine erben wurde haben, danoch diße landen beim haus vnd auf seinen bruedren vallen solten, welches schwehr ist vnd auch in ihr Mayestät handen nit steht, dan ich schwerlig glaub, das Schpanien es duen wirt wollen, so lang er noch selbsten hoffnung hatt, erben zue bekommen. Man wirt die

die sach aber reiflich überlegen, vnd wan etwas resol- virt wirt sein, werd nit vnterlaßen, ewer Durchlaucht selbiges alsogleich zue berichten. Ist derowegen dis das ein- zige bedenken wegen des Deütschmeister, dan solten ihr Mayestät jezt vohr ihn etwas mouiren, wurd Beyren es nemmen, als wan es ein refus vohr ihn wehre vnd ihr Mayestät vohr ihn bey Schpanien niks duen wolten. Also wirt man müeßen warten, bis die sach mit Beyren wirt aiustirt sein, vnd wan alsdan dieses noch nit so balt geschehn solte, mit deßen genehmhaltung vohr den Deütschmeister pro interim können negotirt werden. Erwarte ewer Durchlaucht gnädigsteng befehl, was verners herinnen zue duen, vnd ob ewer Durchlaucht einige andre mitel villeicht wüsten, wie dise sach möchte zum füegligsten vnd ohne preiudiz dißes haus eingericht werden, so werd nit vnterlaßen, selbige ihr Mayestät vohrzuebrengen. Es scheindt, der Cauniz wolt sich durch dise sach gern machen hinauf schiken vnd darnach dannoch wehnig richten. Ich kan dises guetten menschen blindheit nit faßen,

aber das verfluechte interesse vnd ambition regirt iezt alles in der welt leider gahr zue vill. Wegen meiner frawf schwester ist es woll guett, das die correspondenz mit Schpanien angefangen, die Königin in Schpanien schreibt mihrs auch vnd zeigt ein große freidt mit meiner frawf schwester brief zue haben. Sie wirt iezt schon die antwort haben vnd wirt guett sein, wan sie offt vnd fleisig, auch vertreülich an sie schreiben wirt. Die Königin schreibt mihr auch, das die schikung gleich werde geschen, vnd sie meine frawf schwester ein present mit schikt. Wegen Darmstat werd ich nit vnterlaßen, ewer Durchlaucht gnädigsteng befehl zue vollzihen vnd gleich mit dem GravenGr von Öting die sach einrichten. Heündt seint die brif etwas zue schpaht eingeloffen, sonst hett es schon gedahn, gott geb sein gnad, das dise sehlen mögen gewonnen werden. Mit disem due ich mich ewer Durchlaucht vnterdehnigstvnt befehlen, vnd werde sterben ewer Durchlaucht vnterdehnigstevt trewgehorsamstetrwgehos dochter EMT Wien den 22ten februariifebr 1688 Jezt gleich bringt mihr der Bischoff ewer Durchlaucht gnädigeng wuntsch zur kronung, wolte gott, das mein sohn vnd ich ewer Durchlaucht bedienen konten nach vnsren verlangen.