Durchleüchtiger Cuhrfürst, mein herzallerliebster herr vatter Ich sage ewer Durchlaucht vnterdehnigstenvnt dankh vohr bede dero gnädigsteg schreiben vom 23ten vnd 27ten passato, welche ich mit vnterdehnigstemvnt respect empfangen. In dem ersteren aber hab ich solche entschuldigungen wegen vnterlasung des schreibens gefunden, das ich sorge, in vngnaden zue sein, weil euer ewer Durchlaucht mit dero vnterdehnigstervd dochter soliche cerimoni machen. Sie wißen iah, das mein gröste freüdt, wan ewer Durchlaucht nuhr dero gelegenheit beßer in acht nemmeten vnd sich nit so oft meinet- wegen mit schreiben bemüehten, welches mich ganz confus machet, ist mihr schon genug, wan ich sonst ver- nemmen due, das sich ewer Durchlaucht in guettem wohlstant befinden. Das zue Cöllen die wahl so übel abgeloffen, wirt gott schon ein mittel schiken. Vnterdeßen duen

ihr Mayestät niks vnterlaßen, auf Rohm vnd an die Cuhrfürsten ist schon geschriben worden, wirt auch zue Rohm wegen Lüttig mögligst gearbeit werden. Das schlimmeste ist, das die stiffter im Reich vermeinen das priuilegium zue haben, das ihnen der Papst die wall nit verbieten könne, sey auch kein exempel, das solches geschen sey. Doch mues man duen, was man kan. Wan mein bruder vnd der Kauniz werden her kommen, so wirt man sehn, was weiters zue duen wirt sein. Es wehr woll gutt, wan mein bruder möglist sein reis beförderete, dan ein mahl zu Preßlaw sein gegenwart höchst vonöten ist. Der Cauniz ist schon zue München ankommen, schreibt aber seinem schweher vatter, dem Oberst Burgrauen, das er den dortigen hoff in schlimmestem stand gefunden. Die reis auf Venedig sey festgestelt, woh sie nit gahr auf Turin geh. Der Villors ist ganz confident mit ihm CuhrfürstenCuhrf. Er wirt schon wekh sein von München, also wirt auch der Cauniz balt hier sein. Ewer Durchlaucht aber in vnterdehnigstemvd vertrawen, der CuhrfürstCuhrf hatt dem Fuker gesacht, Wie kan ich auf Wien gehen, ich derf mich dort nit sehen laßen, ich bin in ein imbroglio, hab ein brief an die Caunizin an die Fehlen

überschriben, vnd ein an die Vehlen der Kaunizin überschriben, so derf ich mich bey keiner sehen laßen. Er schaut halt nuhr auf dise poßen, vnd nach denen richt er seine negotia, gott woll es beßeren. Bitt aber vnterdehnigstvd, das in höchster geheim mag bleiben, sonst keme der gute Fuker in ein üble wesch. Wegen Nider- landt werden ewer Durchlaucht schon vom Hoffkanzler vernomen haben, wie es steht, müeßen also sehn, was zue duen wirt sein, wan der Cauniz wider kumbt. Ist aber woll höchsterleücht geschen, das der Deutschmeister sich nit zue Lüttich prostituiret, welches vnfehlbar geschehn wehr. Freüdt mich, das die portugesische botschafft kommen wirt. Ich bitt vnterdehnigstvd vmb vergebung, hab nechsten ein vnwahrheit geschriben, das mein frawf schwester ihr Mayestät, mein Keiser, nit geschriben hab als Königin. Sie hatt ihm geschrieben, aber nit in Schpanien, dan ewer Durchlaucht werden sich gnädigstg zue erinnern wißen, das sie mihr geschriben, sie könne nit in Schpanien schreiben, weil der Botschaffter nit informirt sey, wie sie es mit den cerimonialien soll halten, also müeße sie es biß in Portugal verschieben, das sie sich dort disfals informiren könne, vnd darum hatt sie

vohr der desponsation als cuhrpfalzische Prinzeßin, aber nit dar- nach als Königin geschriben, auf welchen brief die Königin in Schpanien auch geantwortet hatt. Mein brif ist nit hinein gangen, dan ich selbige post auch einen bekomen vnd mich verwundert, das ich zwehn brif hab, bis ich darnach gesehn, das der eine an mein frawf schwester wahr. Die nachricht vom Locowiz haben ihr Mayestät auch. Der francos ist hier, hatt aber bis dahto noch nit audienz begert. Man sagt, er sey krankh, steht also dahin, ob er dis anbrengen wirt oder nit. Ich hoff auf gott, der wirt ein mittel schiken, allem dißen übel vohrzukommen. Überschik hierbey vnterdehnigstvnt bede brief, von dem aus Portugal vnd Landgrau Carl. Ich werd mich befleisen ewer Durchlaucht gnädigstemg befehl nachzuleben, ihr Mayestät werden auch gahr gern duen, was sie können, dise sehlen zue erretten. Ich vermein aber, wan man eine begert, soll man die andre lieber mit nemmen, so gehts in einem hin, doch wies ewer Durchlaucht gnädigstg schaffen vnd ihr Mayestät es werden vohr guett finden. Due mich hirmit ewer Durchlaucht vnterdehnigstvnt befehlen vnd werde sterben ewer Durchlaucht vnterdehnigstevnt trewgehorsamstetrwgehors dochter EMT Wien den 5ten februariifebr 1688