Durchleüchtiger Cuhrfürst, mein herzallerliebster herrh vatter Sage ewer Durchlaucht vnterdehnigstvnt dankh vohr dero gnädigeg schreiben, bede durch curier vom 19ten passato vnd 1ten dis. Gottlob das sich ewer Durchlaucht woll auf befinden. Bitt auch vnterdehnigstvd ab, das mit der post nit geschriben, wahr gleich den dag nach der krönung, so hatt noch als vill audienzen vnd zue duen geben. Gottlob, die krönung ist woll abgangen, aber ist gahr ein lange fonction, seint vmb halber 10 aus gefahren vnd mihr vm 3, der Josephl aber vm 5 vren erst heim kommen. Das fasten ist ihm ein wehnig lang worden, dan er bis vm 3 ganz nüechtren müeßen bleiben, darnach hatt er ein wehnig dort in der sacristei genomen, so war als wider guett. Mein herrh bruderb, der Deütschmeister, wirt ewer Durchlaucht ausführlich alles berichten, wies ab ist gangen, welcher übermorgen von hier

von hier wekh wirt. Ich hoff, diser curir werde noch die post einholen, darumb hab auch meins herrnh brudern brif iezt mit geschikt. Mihr haben im müeßen das geleidt bis hier her geben, dan mihr auf einem sauiagen zue Ort gewesen, welches zimlich lustich wahr vnd haben über 50 saw gefangen. Ist aber in der nacht die March so angeloffen, das nimmer haben zuerukh können auf Presburg, so seint hir her vnd übermorgen gehen wider auf Presburg. Ob der Deütschmeister aber auf Cöllen soll, steh ich sehr an, dan ich förcht, er wert sich nuhr prostituiren vnd niks richten, dan er ist ia nit einmahl capitu- lar. Ihr Mayestät haben aber gleich ein curier auf Rohm geschikt, dort darwider zue arbeiten, auch einen zum Cauniz, das er über hals vnd kopf hinunter eilen soll. So balt mihr auf Presburg kommen, werden ihm alle expedi- tionen mit einem eignen zuegeschikt werden, auch der curier, so von ewer Liebden hier ist, abgefertigt werden, hatt einmahl nit ehender

sein können wegen des starken zentweh, so ihr Mayestät gehabt, wie auch der krönung, vnd iezt hatt vns auch das waßer verhindret, das mihr vmb 2 dag schpetter hinkommen. Der Meiersheim hatt kein comission in diser sach, ist wegen der recruten geschikt worden. Ich weis aber nit, ob er schon wekh ist, wan er noch nit wekh ist, so will mich befleisen, das er noch aufgehalten werde, bis dise sach aus gemacht ist. Der Öting ist kommen, so balt mihr auf Presburg kommen, werden ihr Mayestät mit disem curier oder wehnigst mit einem andren balt nachschiken die ausfürliche antwort in der haubt sach. Mit disem due ich mich ewer Durchlaucht vnterdehnigstvd befehlen vnd werde sterben ewer Durchlaucht vnterdehnigstevd trewgehorsamste dochter EMT Wien den 13ten decembris10br 1687