Durchleüchtiger Cuhrfürst, mein herzallerlibster herr vatter Ich bin ganz confus vnd in sorgen, das ich bey ihr Durchlaucht in vngnaden sey, das sie mitt mihr solche cerimonien wegen des schreibens machen, sie wißen doch, das ich dero vnterdehnigstevnt dochter vnd mihr die gröste gnad ist, wan ewer Durchlaucht dero gelegenheit pflegen vnd meinetwegen sich die geringste mühe nit anduen. Wan ich ein vngnad verdient, so bitt es vnterdehnigstvnt ab, bitte allein vnterdehnigstvnt, ewer Durchlaucht wollen mit mihr doch ganz keine solche entschuldigungen machen. Ich hab aber woll vhrsach vnterdehnigstvnt abzuebitten, das ich die vohrigs post mein schuldich- keit nit hab abgelegt, wahr die vhrsach ihr Mayestät, meines Kaisers, starken zahn weh, das sie selben dag köpfel laßen vnd vill ander sachen gebraucht haben, vill nacht niks geschlaffen haben, ist der ganze kopf vnd hals von dem fluß eingenommen geweßen. Gottlob gestern vnd heündt ist es wider gutt, hoff zue gott, werden darbey verbleiben. Sag ewer Durchlaucht vnterdehnigstenvd dankh vohr der gnädigsteg wuntsch zue krönung, sie

sie wirt könftigen erchtag sein, dah ist es iährich, das mein krönung gewesen, vnd meins Kaiser herrh vatter ist auch an dem vnserfrawen dag gekrönt worden. Das die cölnische sach so übel steht, ist mihr woll von herzen leidt zue vernemmen, vnd wirt iezt der Cauniz schon ankommen sein, gott geb, das man dem übel vohrkommen könne. Wan der Cauniz dort wirt sein, vermein ich, werde mein herrh bruder, der Bischoff, nit so vonöten sein, dan sein votum kan er schriftlich hinterlaßen. Der Markgraf hatt seins verschprochen, auch des Zolern, der Könisekh auch. Das Beyern in diser sach er- kaltet, verwundre ich mich höchlich, der Cauniz wirt in aber wider ermuntert haben. Was der Nunzi in Frankreich proponirt, so seint meine medel woll noch gahr zue klein auf heiraten zue gedenken, auch sagen ihr Mayestät eben was ewer Durchlaucht gemelt haben, das sie kein dochter gern in Frankreich geben wolten. Ewer Durchlaucht werden schon wißen, dises denne zue beantworten, das kein offesa heraus kombt vnd man ihnen doch nit vill hoffnung gebe.

Was der Freitag geschriben, werden ewer Durchlaucht vom Hoffkanzler vernommen haben. Der Öting ist auf Wien, kombt morgen wider, so wirt der curir abgefertigt werden. Mit disen befehl mich vnterdehnigstvd vnd werde sterben ewer Durchlaucht vnterdehnigstevd trewgehorsamstetrwghos dochter EMT Presburg den 6ten decembris10br 1687