Durchleüchtiger Curfürst, mein herzallerliebster herr vatter Mit höchsten freüden hab ich aus ewer Durchlaucht gnädigemg schreiben vom 17ten dis vernommen, das sich ewer Durchlaucht in guttem wohlstandt befinden vnd die Erzherzogin vnd mein herrh bruder glüklich vnd gesundt wider vereist sein, der almechtig geb weiters sein gnad. Der Cuhrfürst in Beyrn ist nimmer hier, also hatt sich iezt weiters niks duen laßen. Die andren sachen werde ihr Mayestät vohr- dragen, vnd wirt auch balt der Öting kommen, so werd fleisig andreiben, das ewer Durchlaucht in allem balt ein antwort haben mögen. Den Cuhrfürst von Brandenburg wegen bruderb Carl was zue proponiren ist schwer, weil er sie selber vohr den von Curlant, seiner schwester sohn, verlangt, doch will es ihr Mayestät proponiren vnd mit dem Hoffkanzler draus reden. Der Deütschmeister ist iezt hier, sicht noch nit gahr gutt aus vnd ist noch zimlich matt. Ehr geht mit vns auf Prespurg, ich hoff, er werd sich balt wider völlig erholen. Heünt

sind mihr bey den nunen gewest, vnd darnach war ein procession. Morgen geht auch die Cuhrfürstin wekh, also bitt ich vnterdehnigstvnt vmb vergebung, das heünt kurz schreib, vnd wan villeicht die könftige post mein schuldichkeit vnterlaßen müest, dan am konftigen mittwoch gehn mihr wekh, vnd am postag werden dort den einzug haben, so wirts wehnig zeit sein. Befehl mich vnterdehnigstvd vnd sterbe ewer Durchlaucht vnterdehnigstevt trewgehorsamstetrewgehos dochter EMT Wien den 20ten octobris8br 1687