0001Durchleüchtiger Cuhrfürst, mein herzallerliebster herr vatter 0002Ich komme abermahl vnterdehnigst vmb vergebung 0003zue bitten, das ich bey vohriger post mein vnterdehnigste schuldichkeit 0004verabsaumet hab, hoffe, der Fürst werde mich 0005entschuldiget haben. Mihr seint zue Eberstorf 0006den ganzen dag gewesen vnd auf die sau frey 0007gestreift, haben zwey schwein vnd zwey beker gahr 0008lustig gefangen, so seint gahr schpaht heim kommen. 0009Gottlob, das ewer Durchlaucht sich in guttem wollstandt 0010befinden, der almechtige geb weiters sein gnad. 0011Was die meinzische sach angeht, werden ewer Durchlaucht 0012schon vohr zwey posten vom Hoffkanzler vernommen 0013haben, was vohr bedenken darbey sein, also duet 0014die sach auf dem beruen. Wegen Cöllen werden auch ewer 0015Durchlaucht in selbigem schreiben vernommen haben, was mit dem 0016Cuhrfürst ist abgeret worden, wie auch, das dem Freitag 0017vnd Herzoch von Anhalt schon geschriben worden. Wegen meines 0018vettern von Sulsbach will ich bey ihr Mayestät solicitiren. Das 0019der Grav von Öting woll ankommen, freüdt mich, wirt auch in 0020dem meinsischen werkh villeicht helfen ein mitel finden, wie

0021dise difficulteten möchten zue superiren sein. Wegen des 0022Starenberg werd ich wider ihr Mayestät vohrdragen, wie auch, das 0023der Grav von Öting möge zue denen reichs sachen gezogen werden, wenigist 0024was ewer Durchlaucht betrift. Der Hollach ist hier noch nit ankommen, 0025ihr Mayestät werden aber gern alles duen, das üble zue 0026verhindern. Das ewer Durchlaucht dem Josephl so gnädig vnd ihme 0027zwey roß schiken, ist gahr zue vill, vnd wirt es 0028im woll ein große freit sein, due mich indeßen 0029statt seiner vnterdehnigst bedanken. Er wirt alle so anwenden, 0030ewer Durchlaucht zue dienen. Die post in Portugal wirt 0031woll schwehrlich anderst einzurichten sein, dan wans 0032practicirlich wehre gewesen, hettens ihr Mayestät woll 0033in Schpanien eingiricht. Man kans woll vber 0034Walischland schiken, ist aber gahr mislich, weils 0035über mehr mus. Das wetter ist jezt gahr 0036schen. Der Cuhrfürst wirt bis freitag wekh, mit 0037disem due ich mich ewer Durchlaucht vnterdehnigst befehlen vnd 0038werde sterben 0039ewer Durchlaucht 0040vnterdehnigste trewgehorsamste dochter 0041EMT 0042Izt gleich bekom ewer Durchlaucht gnädiges 0043schreiben vom 6ten dis. Wegen Cöllen will 0044alsobalt als ihr Mayestät vohrdragen vnd machen, was ich 0045kan.