0001Durchleüchtiger Cuhrfürst, mein herz allerliebster herr vatter 0002Ich sag ewer Durchlaucht vnterdehnigsten dankh vohr dero gnädige schreiben 0003vom 12ten vnd 14ten dis. Erfrewet mich von herzen, dero 0004erwünschten wohlstandt zue vernemmen, der almechtige 0005verleye verners sein gnad. Wegen der limiten tractaten 0006haben ihr Mayestät schon auf Regenschpurg befehlen. In dem 0007übrigen, wegen Meins wie auch wegen des portugeser vnd 0008Starenberg, werden ihr Mayestät wo möglich heündt ewer 0009Durchlaucht selbsten antworten oder doch könftige post. 0010Wegen des windt balet, wan ewer Durchlaucht schaffen, kan gahr 0011leicht ein ander invention gemacht werden. Aber hier 0012hatt man einmahl einen gemacht, welcher gahr schön 0013geweßen, vnd wolt mein brueder mit dem Santi 0014darüber reden. Es kan allezeit geendert werden, wans 0015ewer Durchlaucht verlangen. Wegen des Speroni, so hab ich 0016niks gehört, das er solt in meines brudren dienst 0017kommen. Aber wirt auch nit in ihr Mayestät dienst 0018kommen, sondern hatt wollen in Walischlandt gehen.

0019Weil ihm aber der Galli aus ewer Durchlaucht befehl geschriben, 0020das ewer Durchlaucht verlangen, das er entweder in meins brudern 0021dienst oder aufs wehnigst zue der opera kommen 0022soll, so wirt er kommen vnd duet der Dragi auf 0023ihn componiren. Werden iezt fleisig dran sein, 00246 schenen seint schon vertig. Mit disem due 0025ich mich ewer Durchlaucht vnterdehnigst befehlen vnd werde 0026sterben ewer Durchlaucht vnterdehnigste trewgehorsamste dochter 0027ewer Durchlaucht 0028vnterdehnigste trewgehorsamste dochter 0029EMT 0030Wien den 27ten februarij 1687 0031Bruder Carl wirt am montag 0032wekh gehen. 0033Schikh hirbey die 6 schenen, die der Minati gemacht, 0034die music wirt auch balt vertig sein.