0001Durchleüchtiger Cuhrfürst, mein herzallerliebster her vater 0002Ich sage ewer Durchlaucht vnterdehnigsten dank vohr dero gnädiges schreiben vom 000317ten, 20ten, 21ten, 24ten vnd 26ten passato wie auch vohr das 0004gnädige mitleiden vnd condolens wegen ableiben der Kaiserin 0005Leonora sehligen gedechtnus, so dan vohr die gnädigen an- 0006wüntschungen zue disem heiligen weinacht fest vnd 0007newen iahr. Wan mihr gott nuhr gnad verleyete, 0008ewer Durchlaucht vnterdehnigst zue dienen, wehr mein gröste glükh- 0009sehlichkeit, der almechtige wölle ewer Durchlaucht nuhr bey 0010bestendiger gesuntheit erhalten. Wegen Brandenburg, 0011so vill ich hör, steht in guetter hoffnung eines 0012gutten schluß. Wegen Mains werden ewer Durchlaucht schon das 0013hanttbriefel vohr den Cuhrfürsten empfangen 0014haben. Bruder Carl wirt iezt schon bey ewer Durchlaucht sein, 0015wirt woll noch könen ein virzehn dag finden, 0016in der vasten sein votum zue Loreto abzuelegen. 0017Ich hab heüt vom Deütschmeister brif von Loreto 0018bekommen. Hab ihm geschriben vnd ewer Durchlaucht gnädiges schreiben 0019eingeschloßen an die jesuiter zue Rohm. Wan

0020sie aber nit wusten, woh er sey, solten sie die brif 0021auf Heidelberg schiken, seindt vnter seines beicht- 0022vatters copert. Wegen des portugesischen priesters, 0023so ist er von einem gahr gutten leben, wie ihm 0024der Harrach, bey welchem er vill iahr im haus 0025ist, zeuchnus gibt, vnd cauirt ihm, hatt ihn Pater 0026Joseph, der alte carmeliter, den ewer Durchlaucht woll 0027kent, recomandirt vnd vohr gar from gehalten. 0028Wegen Cuhrbeyren haben es ihr Mayestät auch vernommen, 0029duen, was sie können, es zue verhindern, aber 0030es seint halt schlimme leütt, die anschreien0031zue sollichen sachen. Mehr derf ich der feder nit 0032trawen. Des Locowiz brif hab empfangen. Weis 0033nit, ob soll laßen drauf ewer Durchlaucht antworten, 0034weil er es in secreto haben will, weil es in die canzlei 0035käme, oder ob ich ewer Durchlaucht mit handen, oder gahr 0036nit drauf antworten soll. Schik ewer Durchlaucht auch das 0037proiect, das der Minati gemacht. Mich bed- 0038unkt es nit übel zue sein, seint auch etlige

0039fragen darbey, auf welche er balt antwort verlangt, 0040auch, ob ewer Durchlaucht das proiect gefalt, damit er 0041balt dran anfangen könte. Befehl mich hirmit 0042vnterdehnigst vnd werde sterben 0043ewer Durchlaucht 0044vnterdehnigste trewgehorsamste dochter 0045EMT 0046Wien den 2ten jener 1687 0047Bitt vnterdehnigst, ihr Durchlaucht, mein geliebste fraw mutter vmb vergebung, 0048das heünt mein schuldichkeit nit ableg, 0049hab mich in der zeit bedrogen vnd nit 0050vermeint, das so schpat ist. Morgen gehn 0051ihr Mayestät aus früen, so gehn sie ehender schloffen, 0052also ist mihr die zeit zu kurz gefalen. 0053Mit der sontags oder könftigen donerstag post 0054werd alls ersezen.