Durchleüchtiger Curfürst, mein herzallerliebster herrh bruder Ich bitt vmb vergebung, das ich dero schreiben bis dato nit ausfürlich beantwortet, ist meins Keisers übel- aufsein dran schuldich gewest. Wie dero Liebden von ihr Durchlaucht, meiner geliebsteng mama, werden vernommen haben, welche ich vnterdehnigstvnt gebetten, dero Liebden zu participiren. Izt aber kan ich gottlob dero Liebden berichten, das ihr Mayestät sich wider ganz woll befinden vnd die schmerzen vollich vergangen. Es geht woll noch vill schleim vndt sandt wekh, auch großere körnel etlige wie brein körnel, aber gottlob ohne vngelegenheit. Wan nuhr nit noch was darhinten stekt, das wider newe schmerzen macht, ich will hoffen von nein. Es seint vohr 3 dagen

2 steinel wekh gangen, eins war zimlich hart, aber klein, wie ein kleine halbte linsen, aber das ander war schir wie ein linsen, doch ist mehr wie ein zuesammen gesezter sandt, dan sichs gleich hatt zereiben laßen mit den fingern, also hoffe ich werde es iezt ein bestand haben vnd keine schmerzen mehr kommen, welchs der liebste gott also gnädigg verleyen wolle, amen. Dero Liebden bitte ich vmb vergebung, das der Ansalone so lang nit de- pechirt wirt, ich hoff, als die verlangte mineralen mit zu schiken, ich erwart sie däglich. Die reccomendation, die dero Liebden mihr melden vohn den Frätislaw werd nit vnterlaßen, ihn alzeit bestens bey mein Keiser aufs beste zue reccomendirn, wie auch die von bevorstender Fürstenberg. Dero Liebden derfen sich gahr nit bedanken wegen das, was dem Wißer geschen, weil es zuefodrist verdient ist, so woll wegen dero Liebden vnden ganzen haus verdienst, auch wegen der treuen dinst, die er dero Liebden geleist hatt, es wirt woll nit vbl sein. DeroD LiebdenLd seindt gahr zu gutt, daß sie die schlechte bilt haben angenommen haben. Bedankh mich vohr alle gutte sach vnd das billt vohr mein Keiser, alle konnens nit genugsamb loben. Die sachen von Colln stehn woll übel, gott wolle

alles zum besten schiken, mein Keiser wirt alls möglige duen. Wegen des Deütschmeister stehn die sachen in allten, er macht ein haufen complimenti, aber den kerl duet er halt nit wekh. Er hat sich auch offerirt, dem Herzoch Carl von Lottring zu dem Bischtumb Münster zue verhelfen, wan er ihm hingegen will Olmiz abtretten, das wirt er kein narr sein, das ers duet, dan ihm das mehr eindragt als Münster vnd Osnabruckh zusam. Es ist iah genug, das ihr Mayestät, mein Keißer, versichert, bey andern aperturen als Trier, oder was sonst möchte vorfallen, zue verhelfen, wann ers nuhr nit selbst mit dem abgeschmachten Forstmeister verderbette. Dah ist aber niks zue duen, er verlangt her zu kommen, so hab ich den Eißenheim gesacht, wan der Forstmeister werd von ihm sein, werd er mein Keiser vndt mihr gahr angenehm sein, aber er vnterlast ehender her zu kommen, als den kerl zu verlaßen. Es ist über mein verstandt, vnd kan ich nit capiren, das er sich so in den menschen incapricirt wider aller seiner geschwistern vndt ihr Mayestät, meins Keiser, willen. Ich hab mit dem Cauniz gerett wegen was dero Liebden schreiben wegen Münster, so meint er noch als, der Herzoch von Lottring werds konnen em- portiren, wan man nuhr machen könt, das er dort ein ca- nonicat bekomete. Dero Liebden konnen aber dem Cauniz selbst

informihren, das er es mein Keiser vohr dragt oder durch den Wißer, wan er her kombt. Wegen der cölnischen sach ist heüdt conferenz gewest, vnd werden die courir gleich geschikt. Mihr ist auch recht angst vohr den Herzoch von Saxen, der Curfürst von Cölln oder villmehr der CardinalCard laßen ihm auch aufpaßen, er weis es aber woll, so wirt er sich schon in acht nemen. Aber ich bitt nachmahlen dero Liebden wie im gestrigen schreiben mit dem courir gebetten hab, sich in acht zue nemmen vndt nie so auf die iacht zu gehen ohne gutte conuoy, ich befehl es dem liben gott, der wirt dero Liebden bewaren. Werd alle fromme leüt betten laßen, das gott dero Liebden bewaren wolle, bin dah in großen sorgen, wan ich mich nit auf gott verlaßete vnd ganz vestiglich, wie PaterP Marcus sacht, so wehr ich vntröstlich. Ich verlang woll sehr, bis die anwort kombt, das der courir ankomen, damit dero Liebden sich können in acht nemmen. Wegen verschonung des papstlande haben ihr Mayestät schon zu verstehen geben, das dero Liebden dis werkh sehr solicitirt haben, dero Liebden kan versichert sein, das sie auf alle weis werden verschonet sein. Es freüt mich, das der Herzoch von Saxen so woll duet vnd in allen mit dero Liebden correspondirt, aber auf Munster wurdt es woll nit

angehen, weil er dort gahr kein canonikat oder niks hatt. Es ist mihr sehr leidt, das dero Liebden mit den dänischen volkern so incommodirt worden, zweifl nit, ihr Mayestät werden möglist remediren vnd den comissari ein displinz bezeigen. Iezt bekom gleich mit einem courir dero schreibensch vom 8ten decembris10br, auch eins hab mit der post bekommen, das vmoglich nit antworten kan, mit ersten wirts geschen. Kan auch vnmöglich mein frawf schwägerinschwg schreiben, ist zu schpaht worden. Gottlob, mein Keiser ist heüt beßer, ist wider aus dem bett, mihr halten iezt schon die ordnung mit eßen, so mus enden, es nit zu brechen. Befehl mich dero Liebden und meins lesten frawf schwägerinschwg, bitt vmb gotswill vmb vergebungvrgb, das nit schreib, mit nehsten wirts gewis geschen, lebe vnd sterbe dero Liebden getrewstegtrste schwester Eleonor Wien den 14ten decembris10br 1701 Gestern hatt mein Fürsten sohn die elteste von Locowiz geheirat.