21 februarijfebr 98 Durchleüchtiger Cuhrfürst, mein herzallerliebster herrh bruderbrd Ich hab dero liebsts schreiben vom 25ten passatoempfangen vndt daraus dero wolstandt mit freüden vernommen. Aus meinem schreiben vom 27ten werden dero Liebden vernommen haben die verlangte expe- dition nach Florenz vohr dend Teliers, welche hoffendtlich schon wirt abgeloffen sein. Wie auch wegen Osnabrukh, das ich dero Liebden widerumb representirt dero eigne conuenienz, ihr Mayestät, des Keisers, verlangen vndt des gemeinen weßen, insonderheit der religion besten, zue vohr den Herzoch Carl von Lottring in dises bischtum

bischtumb zue bringen. Vndt zweifle nit, dero Liebden werden alles darinen beidragen vndt eifrichst darzue cooperiren, auch bey Cuhr Cöllen dero officia interponiren, weilen der ihnen iah so vill verschprochen hatt, imgleichen den Fürst von Heiderscheim ernstlich zue zue schprechen, wie ich in selbigen gemeldt. Einmahl der Deütschmeister, wie er mihr selbsten geschriben vndt nit laugnen wirt, verlangt es nit, vndt were auch nit rahtsamb wegen viller vhrsachen, deren ich etlige wenig vndt nicht die wichtigsten selbigs mahl überschrieben. Auf den Bischoff von Augschpurch ist gahr nit zu gedenken, er ist nit dumher, müest postolirt werden, vndt sein humor vndt Schallenberg daugeten woll nit hin, wehre der religion höchster nachdeil. Vndt wan auch dises nit wehre, wurden keiner von ihnen dazue kommen, deßen ich sichere vndt gahrzuegewiße nachricht habe, vndt also wan dero Liebden auf disen verharen würden vndt nit auch ihr Mayestät, des Keisers, intention seccondiren, nuhr ein dritter darzue kommen

wurde, welcher allen vohrgemelten zu höchsten preiu- diz gereichen vndt dero Liebden alleschuldt aufgebürdet werden wurde. Es ist iezt kein zeit zue verliren, weil der casus dah ist vndt ihr Mayestät aus allen disen vndt noch mehreren wichtigen vhrsachen mit dem Herzoch Carl impegnirt, also zweifle ich nit, dero Liebden werden ihr Mayestät in disen nit aushanden gehen vndt sich darbey ein groß meritum machen, welches ihr Mayestät gegen dieselbe vndt vnserganzes cuhrhaus in gnadeng erkennen werden. Was die veldenzische sach betrift, so beken ich, das ich so dumb, das ich nit capiren kan, das wan man ein richter requi- rirt vmb des sequester vndt gerichtlichen aus- schpruch, man selbst sein richter sein vndt sich in posses sezen duet. Darumb hab alles dem reichshoffraht überschikt vndt zweife nit, dero Liebden werden das ienigen, was ihr Mayestät in disen werden ausschprechen, als supremus iudex genehm halten vndt solchen nachleben werden. Dabey kombt

das gleichmäßige procedere in der andren seques- tration, dah dero Liebden selber den Manderscheidt reccom- mendirt haben vndt iezt sich durch eigne macht hinein sezen. Ich beken, das mich sehr bedrübt, das ich mus sehen, das durch die meinige, denen ihr Mayestät so vill gnaden erzeigt, so schlechten respect in disen, woh ihr Mayestät hochste autoritet im Reich vnter versiret, erhaben werde. Des Wißers reis betrefendt wüntsche ich, das sie zue besten des cuhrhaus auschlage vnd nit als wie beim friedensschluß, dah das cuhrhaus weit meherer auantage hett erhalten können, wan alles mit vohrwißen vndt aprobation ihr Mayestät gesantschaft geschen were, vndt die sach nit vohrhero geschloßen, eh man was dauon gewust hatt. Insonderheit dah ihr Mayestät dero Liebden so große confidenz gezeigt vndt ihnen das heil dero erzhaus in dem großen werkh anuertrawet haben, were woll ein anders comportament gegen diselbe zu hoffen gewest. Weil ich

aber gesichert bin, das dero Liebden in disen allen kein üble intention werden gehabt haben, also zweifle ich nit, sie werden auch in einen vndt andern dem, was ihr Mayestät vohr recht halten werden, aquiescirn, in dem sie versichert sein, das ihr Mayestät vnsern cuhrhaus so genädigge, das sie kein vnrecht werden geschen laßen, in dem osnabrukischen werkh alles das ihrige anwenden zu ihrer Mayestät intention vndt in des Wißer negotiation gegen selbige alle confidenz erzeigen. Ich aber werde leben vndt sterben dero Liebden getrewste schwester Eleonora Wien den 21ten februarijfeb 1698 Dero Liebden derfen nit sorgen, das mein com- passion zu groß vohr die birkenfeldische vnd sulsbachsche, dan in disen die justiz ihren lauf mus haben vndt ihr Mayestät keiner partei vnrecht duen werden, welche sich alle hoffentlich selbiger schuldigst vnterwerfen werden.