Weilen ew. kay. May. mir so allergdst. erlaubt haben, in allen meinen vnd vnsers ganzen Churhauses anligenheiten in alltem engen brüederlichen, vnd kindtlichen vertrawen zue deroselben meine allervnterthänigiste zueflucht zu nehmen, also thue mich dessen bey gegenwehrtiger con- junctur in tieffestem respect mit deroselben allergdstem erlaubnuß, allergehorsamb. praevalieren, vnd vnter- thänigist bitten, dero höchste authorithet, vnd mächtigiste protection anjezo vnß sambtlichem, alß am allermaisten dabey interessiert, allergdst. mit zuetheilen, vnd genüesen zulassen. Eß werden sich verhoffentlich ew. kay. May. annoch allergdst. erinnern, welcher gestallten sowohl meines liebsten bruders Carls, alß ich, theiulß schrifft, theilß mündt- lich wegen verkhauffung der in Littaw ligenden, so ansehentlichen güetteren, von welchen mein liebster bruder, wenig, oder nichts geniüeßet, durch meinen jüngst an deroselben hoff von mir verschickt geweßenen Hoffcantzlern Freyh. von Wißer, ew. kay. May. vnterthgst. anbringen, vnd belangen lassen, vnd waß für trifftige vhrsachen mir damahlß vnterthgst. vorgebracht, auch auff weme dießes ganzes negotium biß anjezo beruhet. Gleichwie nun allergdste Kayserin, vnd fraw, durch die ver mählung deß herren Churfürsten in Bayern Ldten vnserer seits die sonsten etwah gehabte nicht geringe hoffnung zuer cron, wohe nicht völlig verschwunden, wenigistens mercklich schwehrer gemacht worden, alß siehe ich khein

anderes mittel, meinem armen, vnd liebsten brudern dermahlen einist völlig auß seinem ellendt. vnd be- trüebnuß zuehellffen, als daß man, auß hirbey gehen- den vnwidertreiblichen vhrsachen demselben auf alle möglichiste weiße zue verkhauffung obge.mr seiner güetter durch dero ehiste, vnd mächthigiste protection interposition, vnd authorithet bey meiner fraw schwägerin (so wegen ihrer vnbeständigen gesundtheit vnd einer etlichen mohnaten bevorstehender nider- kunfft auffs schleünigiste vnd nachtrucklichiste geschehen muß, wan man anderst ein so grosse advantage nicht völlig will verlohren gehen lassen) verhellffe, demen ich nur dieses noch hinzueseze, daß wan ja ew. kay. May. allergdst. vermeinen, daß dem von Vogt hierinfalls nicht allerdings zuetrawen seye, vnd man seiner dannoch bey obgemellter verkhauffung, wegen einer in sachen habender recht gründtlichen information, nicht wohl wirdt enbehren können, ew. Kay. May. demselben einen zuegeben, so auff seine andamenti achtung gebe, worzue dero Resident am pohlnischen hoff, vmb bey der verkhauffung der güetter, vnd derentwegen etwan empfangenden gelldern gegenwährig zuesein, vnd die übermässige etwan auff rechnende vnkosten zue hin- der treiben, zue derselben heraußtigen anlegung aber etwah ein anderer, auff welchem dan ew. kay. May. das mehreste allergdste vertrawen möchten gestellt haben, am tauglichisten sein vnd gebraucht werden möchte: Ich bitte ew. kay. May. allervnterthänigist hierinfalls vmb so schleüniger gdste gewührige resolution,

vnd expedition, alß es wahrhafftig summum periculum in mora ist, vnd jeder augenblickliche verzögerung gefährlich, sey können vnß allein aus diesem vnserem anligen helffen, durch ein par gdster, vnd nachtrucklicher zeilen an meine frau schwä- gerin, vnd expedition der commission, vollmacht vn instruction auff den Voget, vnd dero pohlnischen Residenten; sonsten allergdste frau erwahrte ich annoch mit schmerzen durch meinen nunmehro in die siebende wochen zue Wien war- tenden courrier, dero gdste resolution wegen der werbung, der vnterthgster anfrage wegen Dennemarkh, deß von mir vnterthänigist auß auff richtigister meinung, vndt treüen intention auffgeseztem vnd überschickten friedens-pro- ject, vnd deß ober rheinischen crayßes wegen, wegen wessen ein kherniges allergdstes auff munterungs-schreiben an meinen bruedern den jezigen Hoch- vnd Teütschmaistern nicht vndienlich währe, dan wan man diese occasion vorbey- gehen lasset, wirdt sobaldt, vnd villeicht nimmermehr eine so favorable khommen, den vncatholischen wenigistens an diesem ohrt gantz glümpfflich vnd vnvermerkt die waffen aus den handen zue reissen, vnd vnsere in höchter gefahr stehende religion zue salvieren, ew. kay. May. nehmen mir dieße meine vermessenheit nicht vngnädig auff, vnd glauben, daß eß auß lauterem auffrichtigem redtlichen teütschem gemüeth, treüer devotion, vnd vnterthänigistem ver- trawen zu deroselben höchsten kayserl. persohn einzig vnd allein herrüehret: vnd keiner in der welt, mit mehrerer wahrheit, trewe, liebe, devotion, vnd respect vnveränderlich sein kann, alß der jeniger, so sich zu dero beharrlichen höchsten kay. hulden vnd gnaden empfehlendt vnverenderlich bleibet vnd stirbet

P. S. Mein hertz allerliebste gemahlin leget sich zue ew. kay. May. füessen, vnd bittet vnterthänigist, sie beständigist in dero gnaden, sambt allen den ihrigen zue erhallten, ihrer dhrt vnsere gdste fraw muetter ist zwahr etwas bessers, hat aber dannoch einen noch hefftigen huesten. Vom Hamilthan hab ich brieff vom ersten dieses aus Hamburg, vnd ist die gutsche, so ihn dahin gebracht gestern wiederumb hier angelanget, ich trawe, er seye nunmehr zue Stockhholm den erfolg bericht ich vnter- thänigist p.