3. novembris9bris 94 Durchleüchtiger Cuhrfürst, mein herzallerlibster herrh bruder Ich hab dero liebsts schreiben vom 14ten dis woll empfangen, auch eines aus der canzley von eben selbigen datum. Wegen bruderb Allexander, so hab ich mit ihr Mayestät gerett vndt vermeinen, das Regenspurg ihm nit vill helfen wurd vndt mitt Freisingen filleicht mit Cuhrbeyren wurd difficulteten geben vnd solches die schon durch das lüttische weßen geschwechte confidenz zwischen beden heüsern nit wider zuerecht bringen ließe vndt wan ers auch bekem, durch die üble conduite des bewerten schuzengels, ob er gutt oder bös ist, weis ich nit, würde es ewiche hendel mit Beyrn geben, weils so gahr in ihren landt ist. Also meinen ihr Mayestät, wan man dem Herzoch von Saxen, welcher ein posater gescheider herr, künte dort hin helfen, zu welchem ihr Mayestät alls bey dragen werden, vndt

mit Beyrn wurd beßer comportiren zue dem, das er mit Rechenschpurch nit leben könt, weils jeziger zeit so schlecht ist. Also, meinen ihr Mayestät, wers beßer, wan man dem Bischoff von Augschpurg zur coadiutoria zue Eigstet helfen könte, warzu ihr Mayestät gahr gern helfen werden, wan ihnen nuhr wirt an die hant geben, wie die sach zu negotiren sey. Mit der odiosen materi, hoff ich, werds nuhn balt einmahl ein endt haben, welches mich woll frewen wirt. Wegen der quartier haben ihr Mayestät dem GravenGr von Holach befohlen, das er dero Liebden troupen solle sehn zue accomodiren. Wegen der anwerbung gibts noch einigen difficulteten, vndt meinen, die conditiones wehren schwer, es wirt aber mit nechstem ein resolution erfolgen. Ich bedank mich schönstens in nahmen meiner Hermenstein vohr alle gnaden, die ihr dero Liebden erzeigen, hab nuhr noch eine zue bitten, weil sie vermeinen, das nötig sey die atestation auch von vohrnemmern Cuhrfürsten solle vnterschriben werden, ob dero Liebden ihr auch diese gnad dun wolten, der Hezers wirt dero Liebden in ihren nahmen darum vnterdehnigstvnt bitten. Die haubt sach betreffendt bin ich

woll froh, das er abgereist ist. Wegen Dennemarkh hab ich schon lezt mein meinung geschriben, nemmlich das sie schon zue alt, in vnser religion erzogen zue werden. Der HamiltonH mues sich aber precieus halten, den wan sie sehn werden, das er gahr zue vill empressement zeigt, werden sies deürer geben. Ich wolt, das der hiesige Resident drinnen wehr, der hett gern die gloir daruon, vndt wan man nuhr das intent erreicht, kan man ims schon laßen. Er ist ein wehnig gialous über des HamiltonHan reis, dan er meindt, er wurd ihm ein eindragt dun, aber ich will machen, das man ihm an die handt gibt, er soll sich des HamiltonHo gebrauchen, damit er durch dero Liebden bey vns die sach helfe richten. Man könt woll auch dorten sich verlauten laßen, das, wan sies nit wurden dun, Dennenmarkh nit so vill difficultet villeicht wurd machen. Nit, das man drauf soll gedenken, sondern damit dise desto ender die andre draus zue halten möge eingehn. Dise sach mus mit großer dexteritet negotirt werden, der HamiltonH ist schlim genuch darzue. Bitt, dero Liebden wollen ihm dise nachrichten schreiben, auf Dennemarkh ist nit zu denken, schlies vndt

werde sterben dero Liebden getrewste schwester Eleonora Wien den 3ten novembris9br 1694 Bitt, mich bey meine liben frawf schwegrin zue entschuldigen, mit nechstem werd mich mit schreiben einstellen, haben disen brif so lang gemacht, das mihr kein zeit ist über bliben. Das hatt auch der Resident gesacht, man mus nuhr die predicanten bestechen, sie sein so geizich, das sie vmbs gelt dem Könich als vom gewißen nemmen werd.