Durchleüchtiger Cuhrfürst, mein herz allerlibster herrh bruder Dero liebsts schreiben vom 1ten dis hab woll empfangen. Den Bischoff von Breßlaw betreffendt, so wirt man in der mainzischen sach alles mögliste duen vndt kein zeit verlirn, wie dan heündt ein conferenz deswegen ist angeordnet worden, wie dero Liebden von dem Schellerer weitlaufig vernemmen werden, auf den ich mich kurze halber bezie. Den brif vom Mean haben ihr Mayestät noch nit bekommen, sie auf selben woll reflectiren, aber was wollen mihr duen, mit den kopf wider die maur laufen, wan sie zue Rohm die dritte wahl nit wollen oder vohr null declariren oder den Cuhrfürst von Cöllen confirmiren. So ist iah beßer, das mihrs mit guetten garbo duen, als vns darwider

schpreüzen, die beden Cuhrfürsten gahr aus der wiegen werfen vndt dannoch den effect nit erlangen. Iezt das haubt werkh betreffent, so haben dero Liebden gahr woll gedahn, sich in ein vndt andren anzuefragen, dan sonst leicht ein contratempo erfolgen könte. Auf den ersten zue antworten, so ist die meinung, das dieße schikung ganz vnter einem andren pretext solle sein, also zwar, das die leüt dorten selbsten nit wißetten, das wegen dißes negotium seye, vndt solle diße sach durch den geschikten nuhr vnter der handt sondirt werden, also auf keine weis zue verschprechen oder ver- sicheren, das die sachen hiesiger seiten richtich were, sondern wan man inclination vndt hoffnung, welche aber mit guettem fondament vndt nit lehr sein müste, darzue findete, solchs alsdan hier her zue berichten wehre. Ad 2 hernacher dahier wirt darauf weiters resoluirt werden, ob vndt wan weiters zue tractirn sein wirt. Ad 3 dißes wehre gahr nit rahtsam, das man difficulteten findet, solle zue verstehn geben, das man hiesiger seiten toppiren wurd, dan so mihr dardurch prostituirt wurden, wan es nit den erwünschten efect haben solle. Ad 4 das vnser geliebsteg frawf mutter iezt in der materi schreiben solle, finde ich

nit rohtsam, weilen es auhr der geschikte zue sondiren vndt nit als ein negotium anzuebringen hatt, das aber woll, das sie mit schreibe, die alte freünt vnd bekantschafft zue ernewern, damit, wan man könftig guett findete mit beßern garbo, wan sie ohne daß schon correspondirt, etwaß von dißer materi per indirectum influiren könte laßen. Ad 5 dah ist gahr nichts einzue gehn, wan man vnserer schwester nit die freiheit vndt vohr sie vndt ihre bediente das exertitium zuegebe gleich es die aus Portugal in Engelandt gehabt hatt, vndt ist ihnen meines ermeßen solchen fals der vnterschit diser sachen leicht zu repre- sentiren, dan erstlich glauben sie, wie man erzogen werde, könne man sehlich werden, also die eine kan man noch ziegen. Diße ist schon erwaksen vndt bey fölligen iahren, vndt sie können dis leichter eingehn, weil sie sagen, sie glauben das auch auchent glauben, das auch mihr können sehlich werden vndt mihr aber nit glauben, das sie es werden können, also duen sie niks arisquiren, mihr aber deten vns precipitiren, vnd dergleichen argu- menter mehr, die dero Liebden vndt der HamiltonHa beßer werden als ich finden können, dan in disem mueß niks duen, was auch dem schein nach preiudicirlich sein

könte nach dem PaterP Segneri quid prodest huomini et ceteraetc. Ad 6t vnd 7 weil dismahl noch niks anders soll als sondirt werden, also beantworten sich selbsten, das nemlich nit klarer zue reden, weniger ieziger zeit noch handbrifl zue schiken. Ad 8 dißes werden ihr Mayestät über sich nemmen, hoffen, der HamiltonHa werd ein guetter wirt abgeben, das nit zue vill verzert wirt. Erwart im übrigen, was der Wißer bey seiner ankonft weiters vohrbrengen wirt. Mihr wirt allezeit die höchste consolation sein, wan ich dero Liebden interesse vndt besten kan befördern vndt dero intentiones secundiren, als die ich sterben werde dero Liebden getrewste schwester Eleonora Meine lieben frawf schwegerin bitt ein schönste post auszuerichten, durch solchen lieben botten wirts ihr zum angenehmsten sein.