Durchleüchtigster Curfürst, mein herzliebster herrh bruder Dero Liebden werden ohnezweifel schon die nachricht haben hießigen bedrübten zuefall des Cuhrfürsten zue Trier sehligensehl, andenks. Dißer krankheit ist dise beden heüsern sehr gefährlich, wie mihrs leider erfahren haben, zweifl nit, dero Liebden werden es auch empfinden ob dem schaden, so den publico, allen 3 vnsern heüßern vnd vordrist der religion dorauß entsteht. Weil es aber der alwißen- de vnd güttigste gott also verhengt, so kan es nit anderst als das beste sein, dan er nit fählen kan, vndt wirt alles schiken, wie es zu seiner hochsten ehr gereichen wirt. Weilen auch izt entlich der tractat der bariera geschloßen, woh bey auch dero Liebden mit Limburg sollen consolirt werden, es doch anscheinet, als wolten die engel vnd hollender in dißen einige difficulteten

erweken, welche zwar, wie dero Liebden von Siking die nachricht haben werden, der Kaißer den Konisekh befehlen duet, krefftigst vnd bestendig zu widerlegen, ich auch dorüber mit den PrinzP EugenEug vnd andren ministernminist gerett, welche mihr dißes versichert, das der Kaißer in seiner intention bestendig bleibt, doch wüntschete, das es mit gutter manier gescheete, also alle vohr gutt gefunden, das dero Liebden etwan vnmasgebich den von Huntheim, welcher schon zum offtern mit disen potenzen tractirt, auch dohin abschiken möchten. Der Konisekh wirt befehl haben, mit dero Liebden ministernminist in aller engen corris- pondenz zu gehn, damit die sag mit gutter manir vnd allerseits vergnügen zue einen glükhligen endt gelangen möge, wie ich gahr nit zweifle vnd mein großes vergnügen sein wirt, dero Liebden in allen content zu wißen, die ich leben vnd sterben werde dero Liebden getrewste schwester Eleonora Wien den 14ten decembris10br 1715