Durchleüchtigster Curfürst, mein herzallerlibster herrh bruder Ich bitte vmb vergebung, das ich nit ehnder dero libe schreiben beantwort, ist die heilige zeit daran schuldig gewesen. Hernach hab immer glaubt auf Baden zue gehen, so hatts immer zu duen geben, ich verschiebs aber so lang ich kan, hoff, wirt etwan gott sein gnad geben, das gahr hier bleiben kann. Vnser frawf schwester wirt aber auf alle weis hin, die cur zu brauchen, noch aber ist das wetter zu kalt, befindt sich iezt zimlich woll, ich hoff, das bad soll ihr woll bekommen. Bin dero Liebden hochst obligirt vohr alle vertreülige nachrichten, die sie mihr wegen Rohm geben wollen, gottlob, iezt ist wider beßer, hoff,

gott werd in noch erhalten. Vohr alles aber erfreudt mich dero Liebden gutte gesuntheit vndt das sie so accorat in der ordnung nach des medici guttachten verbleiben. Bitte bestendig darbey zu verharren, qui perseuerauerit usquevsq ad finem salus erit. Ich förcht woll, dise bedrüebte conjuncturn werden dero Liebden auch chagriniren, wie es nit anders sein kan, sie sehen aber woll, das der Kaißer alles gern vohr sie gedahn, nit allein wegen seiner, das so prejudicirlige conditions nit hatt eingehen können, sondren auch wegen dero Liebden, der Königin vnd vnser curhaus, das so schandtlich die zwey brüder vnd ganze lini haben excludiren wollen, um nit zu consentiren, nit hatt vnterschreiben wollen. Versehen sich ganzlich, das dero Liebden gleichen senti- ment sein werden, so woll selbsten sich mit vns fest sezen, als durch dero autoritet vnd coope- ration bey allen cur vndt fürsten dahin brengen, das das ganze Reich zuesammen halt, so werden mitt der gnad gottes noch dem

feindt woll resistiren können. Dero Liebden angelegenheiten due ich mihr schuldigst angelegen sein laßen, jezt mit der laxenburger reis seint die sachen ein wehnig in steken geraten, werd aber nit vnterlaßen ahnzu dreiben, hoffe balt was werens darüber zu dero satisfaction berichten zu können. Wegen vnsers brudersbr Carl werden dero Liebden auch aus mein schreiben ersehn haben, das er mihr gleichfals so irresolut schreibt. Ich hab ihm woll zuegeschprochen, aber weiters noch gahr kein antwort bekommen, gott wolle ihm eingeben, was zu seine ehr vnd des haus besten sein wirt. Vberschike hierbey dise brif von PrinzP Jacob, hatt mich ersucht, die sach dero Liebden zu reccomendiren, damit sie gnädig den fahler vergeben mögen. Dise brif hab gleich aus Portugall bekomen. Due mich in dero werteste affection befehlen, werd leben vnd sterben dero Liebden getrewste schwester Eleonora Wien den 29ten aprill 1713